व्वा, आयुष्य असावं तर असं! हातात पिशवी, चेहऱ्यावर आनंद, रस्त्यावर बेधुंद नाचणारी साडीतील महिला; तिचा VIDEO पाहून कळेल जगण्याचा खरा अर्थ

रस्त्याच्या कडेला वाहतूक सुरू असतानाच अचानक सगळ्यांचं लक्ष एका अनोळखी महिलेकडे वळलं. साडी नेसलेली, हातात पिशवी घेतलेली ती महिला जणू सगळ्या चिंता, जबाबदाऱ्या आणि काळज्या विसरून बेधुंदपणे नाचतच चालली होती. चेहऱ्यावर समाधानाचं हसू, पावलांमध्ये लय व डोळ्यांत बेफिकिरी अशी सगळी तिची देहबोली पाहून अनेकांना धक्का बसला; तर काही जण थक्क होऊन बघतच राहिले. आजच्या काळात जिथे प्रत्येक व्यक्ती करिअर, पैसा, नाती व जबाबदाऱ्या यांच्या जाळ्यात अडकून स्वतःचं अस्तित्व विसरत चाललीय, तिथे या महिलेच्या बेधडकपणाने सोशल मीडियावर खळबळ उडवली आहे.

तिच्या चालण्यातली मोकळीक, नाचण्यातली जिंदादिली आणि जगण्याच्या पद्धतीतली उन्मुक्तता लोकांच्या मनाला इतकी भिडली की काहींनी तिला ‘खऱ्या आयुष्याचं प्रतीक’ म्हटलं, तर काहींनी स्वतःच्या जीवनाकडे पुन्हा एकदा प्रश्नचिन्हाने पाहायला सुरुवात केली. हा व्हिडीओ एवढा व्हायरल झाला की, थोड्याच वेळात तो हजारो लोकांनी पाहिला आणि कमेंट बॉक्समध्ये स्वतःचं दुःख, आकांक्षा आणि दडपलेली स्वप्नं व्यक्त करायला सुरुवात केली.

एका व्यक्तीने हा VIDEO रेकॉर्ड करून सोशल मीडियावर शेअर केला आणि कॅप्शन दिली– ‘जेव्हा तुम्हाला जगाकडून कुठलीही अपेक्षा किंवा तक्रार राहत नाही…’. त्यात दिसतं की, साडी परिधान केलेली महिला हातात पिशवी घेऊन रस्त्यावर धावत-नाचत निघाली आहे. तिचा चेहरा हसतमुख, बेफिकिरीने चालणाऱ्या तिच्याकडे पाहून वाटावं की, तिची सारी टेन्शन्स जणू वार्‍याने उडून गेली आहेत.

या व्हिडीओला आतापर्यंत ७० हजारांहून अधिक लाइक्स मिळाले आहेत. कमेंट बॉक्समध्ये लोकांनी, “खरंच! मीही इतकी आनंदी राहू शकले असते…”, “जगण्याच्या जबाबदाऱ्यांनी खरंच गुलाम बनवलंय”, “असं मोकळं होण्यासाठी खूप काही गमवावं लागतं”, “हा व्हिडीओ पाहून दिवसच उजळला”, अशा स्वरूपात मन मोकळे करीत लिहिलेय. अनेकांनी रेड हार्ट इमोजी टाकून त्या महिलेचं कौतुक केलं. काही जण तर लिहितात, “कुटुंब असो वा एकटं जीवन, असंच मोकळं राहायला हवं. उद्याची चिंता करीत आयुष्य वाया घालवायचं नाही.”

येथे पाहा व्हिडीओ

सोशल मीडियावर खळबळ

ही महिला कोण आहे, कुठे राहत आहे याचा पत्ता नाही. पण, तिच्या या निश्चिंत जीवनशैलीनं लोकांना स्वतःचं हरवलेलं स्वातंत्र्य आठवून दिलं आहे. काहींना ती “आयुष्याचा खरा आनंद घेणारी पक्षी” वाटली, तर काहींना तिचा हा अंदाज प्रेरणादायी वाटला. आजच्या काळात जिथे प्रत्येक जण करिअर, पैसा, जबाबदाऱ्या व नात्यांच्या गुंत्यात अडकलेला असतो, तिथे या महिलेच्या बिनधास्त जीवनशैलीनं लोकांना “खरं सुख कशात आहे?” यावर विचार करायला भाग पाडलं आहे. हा व्हिडीओ पाहून तुमच्या मनातही एकच प्रश्न उमटेल – “खरंच आपण आपल्या जबाबदाऱ्यांचे कैदी आहोत का… की असं मोकळं जगणंही शक्य आहे?”