Virat Kohli Main Nahi To Kaun Be Rap Video: भारताने आयसीसी T20 विश्वचषक २०२२ मधील पहिला सामना पाकिस्तानविरुद्ध चार गडी राखून जिंकला. ऑस्ट्रेलियातील मेलबर्न क्रिकेट ग्राउंड (MCG) येथे झालेल्या ग्रुप २, सुपर १२ सामन्यात विराट कोहलीच्या पाकिस्तानविरुद्धच्या शानदार खेळीमुळे भारताने मालिकेची विजयी सुरुवात केली. विराट कोहलीने सामन्यात भारतीय संघाला विजय मिळवून देताच त्याचे अनेक फोटो व व्हिडीओ व्हायरल होत आहेत. पण त्यातही डोंबिवलीकर ‘बि युनिक’ (Beyounick) ने विराटचा शेअर केलेला व्हिडीओ नेटकऱ्यांचे लक्ष वेधून घेत आहे. या व्हिडिओमध्ये Hustle 2.0 या कार्यक्रमातील सृष्टी तावडे हिचा ‘मैं नही तो कौन रॅप’ गुणगुणताना विराट कोहली दिसत आहे.
खरंतर हा व्हिडीओ लीप सिंक करून बनवलेला आहे पण तो इतका परफेक्ट जुळून आलाय की खरोखरच विराट स्वतः ‘मैं नही तो कौन’ असं म्हणताना दिसतोय. भारत विरुद्ध पाकिस्तान सामन्यात खरंच विराटने एका हाती भारताचा संपूर्ण खेळ उचलून धरला होता, त्यामुळे किंग कोहलीचा हा व्हिडीओ शेअर करून चाहतेही खरंच तू नाही तर कोणी नाही अशे कॅप्शन देत आहेत. Beyounick ने हा व्हिडीओ पोस्ट करताना विराटचे आभार मानले आहेत.
अन विराट म्हणतो ‘मैं नही तो कौन बे’
दरम्यान, इन्स्टाग्रामवर शेअर केल्यापासून, व्हिडिओला १.६ मिलियनहुन अधिक व्ह्यूज मिळाले आहेत. अनेकांनी कमेंटमध्ये सृष्टीलाही टॅग करून तू तर आता खूपच फेमस झालीस असं म्हंटलं आहे. तर या Hustle स्पर्धेतील अन्य एक रॅपर एमसी स्क्वेअर यानेही या व्हिडिओवर कमेंट केली आहे.
IND Vs PAK: भारताने चीटिंग केली पण आम्ही…; पाकिस्तानची रडारड सुरु; या Viral Tweets वर तुमचं मत काय?
भारत विरुद्ध पाकिस्तान आयसीसी विश्वचषक सामन्यात विराट कोहलीने ८२ धावांची नाबाद खेळी खेळून भारताला विजय मिळवून दिला. केवळ खेळच नव्हे तर शेवटच्या षटकात डेड बॉलवर विराटने फ्री हिटचा वापर करून घेतलेल्या तीन धावा बघता कोहलीने क्रिकेटच्या नियमांचे ज्ञानही महत्त्वाचे आहे हे दाखवून दिले आहे. कोहलीसाठी व त्याच्या चाहत्यांसाठी हा सामना अविस्मरणीय ठरला.
