भारत विरूद्ध श्रीलंका यांच्यातील गुवहाटी येथील बारसपरा मैदानात रविवारी सामना होणार होता. मात्र, पहिल्याच टी-२० सामन्यात पावसानेच खेळ केला. नाणेफेक झाल्यानंतर भारतानं प्रथम क्षेत्ररक्षणाचा निर्णय घेतला होता. त्याचवेळी पावसाला सुरूवात झाली. पावसाने विश्रांती घेतल्यानंतर बीसीसीआयनं खेळपट्टी कोरडी करण्याचे प्रयत्न केले. खेळपट्टी सुकवण्यासाठी जुगाड वापरत ईस्त्री, व्हॅक्युम क्लिनर, हेअर ड्रायर यासारख्या ईलेक्ट्रॉनिक उपकरणांची मदत घेण्यात आली. यावेळी भारतीय संघाचा कर्णधार विराट कोहली कोहली याचा खेळपट्टीची पाहणी केली होती. या फोटोनं सोशल मीडियावर धुमाकूळ घातला आहे. या फोटोवरून पोटधरून हसायला लावतील असे मीम्स व्हायरल झाले आहेत.