Sudha Murthy : हिरवी साडी, काळी बॅग अन् केसात गजरा; महाकुंभमेळ्यातील सुधा मूर्तींच्या ‘या’ कृतीचं सर्वत्र कौतुक!

सुधी मूर्ती या प्रसादाच्या काऊंटवर उभ्या राहून त्या भक्तांना चपाता वाटताना दिसत आहेत. तसंच, दुसऱ्या व्हिडिओमध्ये त्या इस्कॉन महाप्रसादम किचनमध्ये फेरफटका मारतानाही दिसत आहेत. येथे त्यांनी स्वयंसेवकांशी संवाद साधला असून येथे मशिनद्वारे अन्न कसे तयार होते, हे समजून घेण्याचाही प्रयत्न केलाय.

अदानी समूह इस्कॉनच्या सहकार्याने महाकुंभमेळा परिसरात दररोज ४० हजारांहून अधिक भाविकांना महाप्रसादाचे वाटप करत आहे. इस्कॉनने प्रयागराजच्या सेक्टर १९ मध्ये तयार केलेल्या स्वयंपाकघरात महाप्रसाद तयार करण्याचे काम हाती घेतले आहे.

महाप्रसाद तयार करण्यासाठी वापरण्यात येणारे स्वयंपाकघर पाणी गरम करण्यासाठी आणि भाजी-तांदूळ उकळण्यासाठी बॉयलरसारख्या आधुनिक सुविधांनी सुसज्ज आहे. जड अन्न कंटेनर वाहून नेण्यासाठी ट्रॅक टाकण्यात आले आहेत. रोट्या बनवण्यासाठी तीन मोठी यंत्रे बसवण्यात आली आहेत. ही यंत्रे मिळून एका तासात १० हजार रोट्या तयार करतात.

महाकुंभ मेळ्यात सहभागी झाल्यानंतर सुधा मूर्ती काय म्हणाल्या?

या महाकुंभ मेळ्यात सुधा मूर्ती सोमवारी सहभागी झाल्या. त्या म्हणाल्या, “मी आनंदी, उत्साही आणि आशावादी आहे. सुधा मूर्ती यांनी पहिल्या दोन दिवसांत संगमात पवित्र स्नान केले. त्या एएनआयशी बोलताना म्हणाल्या, माझे आजोबा, आजी, यापैकी येथे कोणीही येऊ शकले नाहीत. त्यामुळे त्यांच्या नावाने मला येथे तर्पण करावे लागले. मला खूप आनंद झाला आहे.”