आजीचा नादच खुळा! चक्क बकरीसाठी काढली ट्रेनची तिकिट, प्रवाशांसह टीसीही चक्रावून गेला,भन्नाट Video होतोय व्हायरल

आजी आणि बकरीचा हा व्हिडीओ @DPrashantNair नावाच्या यूजरने ट्वीटरवर शेअर केला आहे. हा व्हिडीओ शेअर करत कॅप्शनमध्ये लिहिलय, एका महिलेनं बकरीसोबत ट्रेनमध्ये प्रवास केला आणि त्या बकरीसाठी तिकिटही खरेदी केलं. तिकिट तपासणीला बकरीसाठी काढलेलं तिकिट दाखवत या महिलेनं प्रामाणिकपणाचं उत्तम दर्शन घडवलं आहे. व्हायरल झालेल्या व्हिडीओत पाहू शकता की, टीसी प्रवासी महिलेला तिकिट तिचं आणि बकरीसाठी काढलेल्या तिकिटाबाबत विचारतो. त्यावेळी आजीबाई बिंधास्तपणे दोन्ही तिकिट टीसीला दाखवते. आजीसोबत आणखी एक प्रवासी असल्याने तिन्ही तिकिट टीसी तपासतो.

इथे पाहा आजीचा आणि बकरीचा ट्रेनमधील भन्नाट व्हिडीओ

आजी त्या टीसीला हसत हसत सांगते, हो आम्ही बकरीसाठीही तिकिट काढलं आहे. बकरी आणि आजीचा व्हिडीओ सोशल मीडियावर प्रचंड व्हायरल झाला असून नेटकऱ्यांनी भन्नाट प्रतिक्रियांचा वर्षाव केला आहे. एका नेटकऱ्याने प्रतिक्रिया देत म्हटलं, गोट नाही..तर ग्रेटेस्ट ऑफ ऑल टाईम. दुसऱ्या एका नेटकऱ्याने म्हटलं, त्या महिलेसाठी बकरी फक्त एक प्राणी नाही. तर तिच्या कुटुंबातील एक सदस्य आहे.