Women’s Equality Day 2023 : महिला समानता दिवस का साजरा केला जातो? जाणून घ्या इतिहास आणि या वर्षीची थीम …

आज स्त्रियांनी प्रत्येक क्षेत्रात आपला वेगळा ठसा उमटवला आहे. पुरुषांच्या बरोबरीने आज स्त्रिया प्रत्येक क्षेत्रात वावरत आहेत. त्यामुळे महिलांना समान हक्क आणि अधिकार मिळावेत, याच उद्देशाने जगभरात दरवर्षी २६ ऑगस्ट ह दिवस महिला समानता दिन म्हणून साजरा केला जातो.

हेही वाचा : September 2023 Bank Holidays: लवकरात लवकर बँकेची कामे उरका, सप्टेंबरमध्ये १६ दिवस बँका राहणार बंद, पाहा संपूर्ण यादी

महिला समानता दिनाचा इतिहास

महिला समानता दिवस हा पहिल्यांदा अमेरिकेत साजरा करण्यात आला. १८५३ मध्ये महिलांच्या हक्कांसाठी अमेरिकेत आवाज उठवण्यात आला. महिलांना समान हक्क मिळावेत, यासाठी जवळपास ५० वर्षे चळवळ सुरू होती.
पहिल्या महायुद्धात महिलांनी सहभाग घेतला होता आणि त्यानंतर त्यांचे योगदान सर्व जगासमोर आले होते. महिलांच्या या चळवळीला सगळीकडून पाठिंबा मिळू लागला. अखेर १९२० मध्ये महिलांना त्यांचे हक्क मिळाले.

अमेरिकेत महिलांना मतदानाचा हक्क नव्हता. २६ ऑगस्ट या दिवशी तेथील महिलांना मतदानाचा हक्क मिळाला आणि समानतेसाठी लढल्या जाणाऱ्या या चळवळीचा येथे विजय झाला. त्यामुळे २६ ऑगस्ट हा दिवस महिला समानता दिन म्हणून सुरुवातीला अमेरिका आणि नंतर आंतरराष्ट्रीय पातळीवर साजरा करण्यात येऊ लागला.

हेही वाचा : ब्रेकअप झाल्यानंतर निराश न होता आयुष्यात पुढे जा; पण कसे? फक्त करा ‘ही’ तीन कामे

महिला समानता दिनाची थीम

दरवर्षी महिला समानता दिनाची थीम ठरवली जाते. या वर्षी ‘Embrace Quality’ म्हणजेच “समानता स्वीकारा” ही खास थीम ठेवण्यात आली आहे. हा दिवस लैंगिक समानता आणि महिलांच्या हक्कांना प्रोत्साहन देण्यासाठी साजरा केला जातो.

(टीप: वरील लेख सामान्य निरीक्षणावर आधारीत आहे)