२१ जून रोजी, आंतरराष्ट्रीय योग दिन २०२५ रोजी, विशाखापट्टणमने सर्वात मोठ्या मेळाव्यासाठी एक नवीन गिनीज वर्ल्ड रेकॉर्ड तयार केला. या मेळाव्यासाठी तीन लाखांहून अधिक लोक उपस्थित होते. पण, कार्यक्रम संपल्यानंतर तिथे वेगळाच गोंधळ उडाला आहे, कारण स्थानिक लोक मोफत योगा मॅट्स लुटण्याचा प्रयत्न करत आहे.
सोशल मीडियावर संताप व्यक्त करणाऱ्या या व्हिडिओमध्ये अनेक स्थानिक लोक कार्यक्रमादरम्यान देण्यात आलेल्या मोफत योगा मॅट्स हिसकावून घेण्यासाठी एकमेकांवर हल्ला करताना, मारताना दिसत आहेत. स्थानिक लोक तीन ते चार योगा मॅट्स हिसकावून कार्यक्रमस्थळाबाहेर पडताना दिसत आहेत. एवढंच नाही तर एका टेम्पोमध्ये योगा मॅट टाकून घेऊन जात असल्याचेही व्हिडीओमध्ये दिसत आहे. हा व्हिडिओ शेअर करताना TARUNspeakss या एक्स युजरने लिहिले की, “विशाखापट्टणममध्ये योग दिनी गिनीज वर्ल्ड रेकॉर्डनंतर योगा मॅट्स लुटण्यात आले. शून्य सिव्हिक सेन्स, भाऊ!”
या व्हिडिओला लवकरच लोकप्रियता मिळाली आणि त्यावर अनेक प्रतिक्रिया आल्या. एका वापरकर्त्याने म्हटले, “मॅट्ससाठी लढणारे अद्भुत लोक, ते काहीही मोफत करतील.” दुसऱ्या वापरकर्त्याने उपाहासात्मक कमेंट केली, “चला ही एक नवीन परंपरा म्हणून जाहीर करूया, यामुळे आपण जगभरात आपली प्रतिष्ठा गमावणार नाही.”
“गरिबी, शून्य सिव्हिक सेन्स, संस्कृती,,” तिसऱ्या वापरकर्त्याने लिहिले. “त्यांना कदाचित शेवटी योगा मॅट्सच्या आश्वासनासह तिथे आणले गेले असेल. अन्यथा ते योग करण्यासाठी तिथे जमण्याचा कोणताही मार्ग नाही,” चौथ्या वापरकर्त्याने म्हटले.
हे लोक इथे योगा करायला आले होते की मॅट लूटायला असे एकाने कमेंट करत म्हटले.
आणखी एकाने कमेंट केली की, “९० कोटी भारतीय महिन्याला ५ किलो तांदूळावर जगतात ५० कोटी लोक वर्षाला १७६० डॉलर्सपेक्षा कमी कमावतात, ही मॅट त्यांच्यासाठी स्लीपट्रेन गाद्यापेक्षा जास्त आहेत… #भारत #पाकिस्तान #इराण”
दुसऱ्याने स्पष्ट केले की,”योगा मॅट्स #coir पासून बनवले होते. संस्थेच्या टीमने हे #coirचे वाटप केले होते. त्या दिवशी #विशाखापट्टणम येथे, ३,१०,५६० लोकांनी योग मेळाव्यासाठी हजेरी लावली. काळजीपूर्वक वाचा; “Coirपासून बनवलेल्या तंत्रज्ञानाचा प्रचार करण्यासाठी योगा मॅटचे वाटप झाले होते.”
पंतप्रधान नरेंद्र मोदी यांनी विशाखापट्टणममध्ये योग सत्राचे नेतृत्व केले, आरके बीचवर सामान्य योग सादर केला. आंध्र प्रदेशचे मुख्यमंत्री एन चंद्राबाबू नायडू, उपमुख्यमंत्री पवन कल्याण, राज्यपाल एस अब्दुल नजीर आणि अनेक केंद्रीय आणि राज्य मंत्री यांच्यासह प्रमुख नेते देखील त्यांच्याबरोबर उपस्थित आहे.
आरके बीच ते भोगापुरम पर्यंत २८ किलोमीटरचा हा कार्यक्रम होता, ज्यामुळे तो एकाच ठिकाणी होणारा सर्वात मोठा योग मेळावा ठरला. याने २०२३ मध्ये सुरतने प्रस्थापित केलेला मागील विक्रम मोडला, जिथे १.४७ लाख सहभागी झाले होते.
