नोकरीवर रुजू होण्यापूर्वीच तरुणावर नियतीचा घाला

हलाखीच्या परिस्थितीवर मात करीत त्याने शिक्षण पूर्ण केले होते.

नागपूर : नोकरीसाठी त्याने अनेक प्रयत्न केले. महत्प्रयासानंतर ती मिळाल्यावर तो आनंदी होता. मात्र कामावर रुजू होण्यापूर्वीच नियतीने त्याच्यावर घाला घातला व त्याचा नोकरीचा आनंद आणि सुखी आयुष्याची स्वप्नेही हिरावून घेतली. रितिक मंगेश रेवतकर (२३) रा. तकिया धंतोली असे या तरुणाचे नाव आहे. त्याचे मंगळवारी मेंदूघाताने त्याचे निधन झाले.

रितिक होतकरू तरुण होता. हलाखीच्या परिस्थितीवर मात करीत त्याने शिक्षण पूर्ण केले होते. नोकरीचा शोध सुरू होता. एका खासगी कंपनीत नोकरीची संधी मिळाली. तेथे त्याला २१ ऑक्टोबरला रुजू व्हायचे होते. नोकरी मिळाल्याने आनंदी होता. याच आनंदात त्याने नवे कपडेही शिवले होते. मात्र रुजू होण्याच्या एकदिवस आधी म्हणजे २० तारखेला रात्री ९ वाजता त्याला मेंदूघात झाला. त्याला तातडीने धंतोलीतील खासगी रुग्णालयात दाखल करण्यात आले. तेथे दुसऱ्या दिवशी त्याच्यावर शस्त्रक्रियाही करण्यात आली. मात्र त्यानंतरही प्रकृती ढासळतच गेली. अखेर मंगळवारी त्याची प्राणज्योत मावळली. त्याला नोकरीवर रुजूच होता आले नाही. त्याच्या पश्चात वडील, आई, भाऊ व बराच मोठा आप्तपरिवार आहे. रितिकच्या अशा अकाली जाण्याने रेवतकर कुटुंबीयांवर दु:खाचा डोंगर कोसळला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व Uncategorized बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Young man before he starts working he died of a stroke akp

Next Story
आजपासून जिस्म-२
ताज्या बातम्या