बविआ कार्यकर्त्याची आक्षेपार्ह चित्रफित प्रसारीत, भाजपच्या दोन कार्यकर्त्यांवर गुन्हा दाखल

शहरातील विविध प्रश्न, गैरप्रकार याविरोधात ते साततत्याने आवाज उठवत असतात. २६ सप्टेंबर रोजी फेसबुक या समाजमाध्यमावर त्यांची एक आक्षेपार्ह चित्रफित प्रसारीत करण्यात आली होती. बनसोड हे रस्त्याच्या कडेला लघुशंका करत असताना चोरून ही चित्रफित काढण्यात आली होती. त्यावर असभ्य भाषेत बदनामीकारक मजकूर लिहून ती पोस्ट व्हायरल करण्यात आली होती. भाजपचे कार्यकर्ते ऋतिक पोळ आणि प्रितेश पवार यांनी ही चित्रफित काढून ती समाजमाध्मयावर पोस्ट केली होती.

या दोघांच्या विरोधात मी तक्रारी दिल्यामुळे त्यांची तडीपारी झाली होती. त्यामुळे बदला घेण्यासाठी त्यांनी ही चित्रफित तयार केली आणि माझी समाजात बदनामी केली असे बनसोडे यांनी या तक्रारीत म्हटले आहे.या तक्रारीवरून नालासोपारा पोलीस ठाण्यात ऋतिक पोळ आणि प्रितेश पवार यांच्याविरोधात माहिती तंत्रज्ञान अधिनिमयाच्या कलम ६७ (अ) तसेच धकावल्याप्रकरणी भारतीय न्याय संहितेच्या कलम ३५१ (२) अंतर्गत गुन्हे दाखल केले आहेत.

ऋतिक पोळ आणि प्रितेश पवार हे दोन्ही आरोपी तडीपार आहेत. त्यांनी किरण बनसोडे यांची बदनामी करणारी चित्रफित समाजमाध्यमावर प्रसारीत केली असल्याने गुन्हा दाखल करण्यात आला आहे. त्यांच्यावर पुढील कायदेशीर कारवाई करण्यात येत आहे. विशाल वळवी- वरिष्ठ पोलीस निरीक्षक, नालासोपारा पोलीस ठाणे</p>

जिल्हाबंदी असूनही शहरात वावर

विशेष म्हणजे चित्रफित काढणारे प्रितेश पवार आणि ऋतिक पोळ हे दोन्ही भाजपचे कार्यकर्ते असून त्यांच्याविरोधात विविध गुन्हे दाखल आहेत. त्यामुळे त्यांना जिल्हाबंदी करण्यात आली आहे.तरी देखील ते सर्रास शहरामध्ये वावर असल्याचे बनसोडे यांनी सांगितले आहे.