Rohit Pawar: अजित पवार करत असलेल्या श्रीरंग बारणेंच्या प्रचारावरून रोहित पवारांचा खोचक टोला!

राष्ट्रवादी शरद पवार गटाचे युवा नेते रोहित पवार यांनी अजित पवारांना खोचक टोला लगावला आहे. “श्रीरंग बारणे यांच्या विरोधात आम्ही प्रचार करून भाऊ पार्थ पवार याचा बदला घेणार आहे. अजित पवार हे पार्थ पवार याचा झालेला पराभव विसरले असतील आम्ही अद्याप ही त्याचा पराभव विसरलो नाहीत”, असं म्हणत रोहित पवार यांनी अजित पवार यांना टोला लगावला आहे. रोहित पवार हे पिंपरी चिंचवडमध्ये पत्रकारांशी बोलत होते.