लोकसभा निवडणुकीचे वारे वाहू लागले असून कार्यकर्त्यांमध्येही त्यामुळे उत्साह संचारू लागला आहे. या पाश्र्वभूमीवर मावळ लोकसभा मतदारसंघात मोडणाऱ्या उरण तालुक्यात विविध राजकीय पक्षांच्या उमेदवारांच्या प्रचार कार्यालयांची उद्घाटने सुरू झाली आहेत. यामध्ये शिवसेना-भाजप महायुतीचे उमेदवार श्रीरंग बारणे व राष्ट्रवादी-काँग्रेसचे उमेदवार राहुल नार्वेकर यांच्या कार्यालयांचे उद्घाटन करण्यात आलेले आहे. शेतकरी कामगार पक्षाचे उमेदवार लक्ष्मण जगताप यांचेदेखील प्रचार कार्यालय सुरू झाले आहे. या रणधुमाळीत वेगवेगळ्या पक्षांचे कार्यकत्रे कामाला लागलेले असून प्रचार कार्यालयांमध्ये कार्यकर्त्यांची भाऊगर्दी जमत आहे.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on March 27, 2014 8:48 am
