मालवणी येथे राहणारी तरुणी मंगळवारी सकाळी कार्यालयात जात असताना तिच्यावर एका इसमाने ब्लेडने हल्ला केला. या हल्ल्यातून तरुणी बचावली आहे.
जामिनी सुतार ही २५ वर्षे वयाची तरुणी वास्तुरचनाकार असून सकाळी ७.१५ च्या सुमारास कार्यालयात जाण्यासाठी निघाली. त्यावेळी मागून येत असलेल्या एका इसमाने धारदार ब्लेडने तिच्यावर हल्ला केला. अलीकडेच बसमधून प्रवास करताना या तरुणीचा मोबाईल चोरण्यात आला होता. त्या चोरटय़ाला रंगेहाथ पकडण्यात आले. लोकांनी त्या चोरटय़ाला बेदम मारहाण केली होती. त्या वेळी या इसमाने या तरुणीला धमकी दिली होती. हल्ला करणारा तरुण मोबाईल चोरटा असावा असा अंदाज पोलिसांनी व्यक्त केला आहे.