औरंगाबाद जिल्ह्य़ातील विविध कारखान्यांमध्ये काम करणाऱ्या संघटित व असंघटित कामगारांच्या विविध मागण्यांसाठी ‘सीटू’तर्फे शुक्रवारी जिल्हाधिकारी कार्यालयावर मोर्चा काढण्यात आला.
वाळूज, चिकलठाणा, शेंद्रा, रेल्वे स्टेशन, चितेगाव, पैठण परिसरातील कारखान्यांमध्ये काम करणाऱ्या संघटित व कंत्राटी कामगारांच्या विविध मागण्या प्रलंबित आहेत. दुपारी १२ वाजता सीटूतर्फे उद्धव भवलकर यांच्या नेतृत्वाखाली मोर्चा काढण्यात आला. मोर्चा क्रांती चौक, पैठणगेट, गुलमंडी, सिटीचौक, शहागंजमार्गे जिल्हाधिकारी कार्यालयावर धडकला. जिल्हाधिकाऱ्यांना मागण्यांचे निवेदन देण्यात आले. मागण्यांची तड महिन्यात न लागल्यास कामगारांचे मोठे आंदोलन करण्याचा इशारा निवेदनात देण्यात आला.