सेंट जॉन शाळेच्या वतीने अलीकडेच विशेष मुलांसाठी आयोजित करण्यात आलेला क्रीडामहोत्सव मोठय़ा उत्साहात साजरा झाला. यावेळी मूक बधीर, मतिमंद आणि अंध अशा तीन गटांमध्ये विविध स्पर्धाचे आयोजन करण्यात आले होते. अभिनेत्री रेणूका शहाणे आणि निलम शिर्के यांनी स्पर्धाना उपस्थित राहून मुलांच्या प्रोत्साहनात भर घातली.
मूक -बधीर गटातून नाकोडा कर्ण बधिक शाळेने प्रथम, भैरव कर्ण बधीर शाळेने द्वितीय आणि रोटरी स्कूल फॉर डेफने तृतीय क्रमांक पटाकाविला. मतिमंद गटांतून होली क्रॉस शाळेने प्रथम, सेंट जॉन शाळेने द्वितीय तर स्वामी ब्रह्मानंद शाळेने तृतीय क्रमांक पटकाविला. अंध विभागातून प्रगती अंध विद्यालयाने प्रथम क्रमांक पटकाविला. कार्यक्रमाचे सूत्रसंचालन मेरियन स्कॉट यांनी केले. सुषमा मंडलिक यांच्यासह शाळेतील कर्मचाऱ्यांनी कार्यक्रमाच्या आयोजनात विशेष मेहनत घेतली होती.