अपघातात भाजपाच्या तालुकाध्यक्षासह दोघे ठार

विरुद्ध दिशेने येणाऱ्या मोटारसायकलने दिलेल्या धडकेत झालेल्या अपघातात राळेगावचे भाजपचे तालुका अध्यक्ष आणि यवतमाळ अर्बन को-ऑपरेटिव्ह बँकेचे संचालक वामनराव वाघमारे (४५) यांच्यासह दोघे जागीच ठार झाल्याची घटना सोमवारी दुपारी २ वाजताच्या सुमारास घडली.

विरुद्ध दिशेने येणाऱ्या मोटारसायकलने दिलेल्या धडकेत झालेल्या अपघातात राळेगावचे भाजपचे तालुका अध्यक्ष आणि यवतमाळ अर्बन को-ऑपरेटिव्ह बँकेचे संचालक वामनराव वाघमारे (४५) यांच्यासह दोघे जागीच ठार झाल्याची घटना सोमवारी दुपारी २ वाजताच्या सुमारास घडली.
वामनराव वाघमारे आणि त्यांचे मित्र नरेंद्र खेकारे (३६) हे दोघे एम.एच. २९ व्ही ७१५४ क्रमांकाच्या हीरोहोंडा मोटारसायकलने यवतमाळहून राळेगावकडे जात होते. दरम्यान, विरुद्ध दिशेने येणाऱ्या एम.एच. ३१ एएम १८४० क्रमांकाच्या मोटारसायकलची जबर धडक होऊन वामनराव वाघमारे आणि नरेंद्र खेकारे हे दोघेही जागीच ठार झाले, तर दुसऱ्या मोटारसायकलवरील रसुल रहिमतुल्ला व राहुल पारिसे हे २२ वर्षीय तरुण गंभीार जखमी आहेत. त्यांना यवतमाळच्या शासकीय वैद्यकीय महाविद्यालयात दाखल करण्यात आले आहे. हे दोघेही झाडगावचे राहणारे आहेत. वाघमारे आणि खेकारे यांच्या पार्थिवावर राळेगावजवळील रावेरी येथे अंत्यसंस्कार करण्यात आले. त्यावेळी विविध क्षेत्रातील मान्यवर हजर होते.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: Two died in accident

ताज्या बातम्या