शिवसेना आमदार किशनचंद तनवाणी यांच्या प्रयत्नातून विनामूल्य शुद्ध पिण्याचे पाणी उपलब्ध करून देण्याच्या उपक्रमाचा प्रारंभ उद्या शिवसेना पक्षप्रमुख उद्धव ठाकरे यांच्या हस्ते सकाळी ११ वाजता होणार आहे.
सेनेच्या गुलमंडी येथील संपर्क कार्यालयात पेयजल प्रक्रिया प्रकल्प हाती घेतला असून प्रकल्पासाठी आवश्यक पाणी विविध चार विहिरींतून भूमिगत जलवाहिनीने उपलब्ध करण्यात आले आहे. नागरिकांना १२ ते १४ तास पाणी उपलब्ध करण्यासाठी यंत्रणा कार्यान्वित असते.