गिरगावच्या तरुणीकडून दोघा डोंबिवलीकरांची फसवणूक

मी दादर येथील वैशाली ज्वेलर्समध्ये भागीदार आहे. तुम्हाला शुद्ध सोने कमी भावात देते असे सांगून गिरगावमधील माधवी किशोर टेंबे (२८) या तरुणीने दोघा डोंबिवलीकरांना ९ लाख ९० हजार रुपयांना फसविले आहे. माधवी गिरगावमधील क्रांतीनगरमध्ये राहते. तिने गोग्रासवाडीत राहणाऱ्या जीवन माळी (वय ४०) यांच्याकडून ३ लाख ८० हजार रुपये शुद्ध सोने देण्याची बतावणी करून उकळले. राजाजी पथावरील ज्ञानेश्वर कोळमकर (वय ४८) यांच्याकडूनही माधवीने शुद्ध सोन्याची नाणी देते सांगून ६ लाख रुपये वसूल केले आहेत. या दोघांना आपली फसवणूक झाल्याचे लक्षात आल्यावर त्यांनी रामनगर, टिळकनगर पोलीस ठाण्यात गुन्हे दाखल केले.