ट्रकचं स्टिअरिंग तिच्या हाती; १० दिवस तमिळनाडू ते बांग्लादेश ट्रक चालवणारी ठरली पहिली महिला

लॅण्ड पोर्ट अथॉरिटी ऑफ इंडियाचे व्यवस्थापक कमलेश सैन सांगतात, अन्नपूर्णाणी शनिवारी रात्री विशाखापट्टणममधून कापसाने भरलेला ट्रक घेऊन पेट्रापोलला पोहोचल्या. हा दहा दिवसांचा प्रवास अन्नपूर्णाणी यांच्यासाठी सोपा नव्हता. राष्ट्रीय महामार्गावरून गाडी चालवताना अनेक समस्यांचा सामना करावा लागला. एक तर महिलांसाठी स्वच्छतागृहे नाहीत. रस्त्याच्या कडेला असलेल्या ढाब्यांमध्ये खोली मिळणे तिच्यासाठी अवघड होते, कारण तिथे मोठ्या प्रमाणात पुरुष असतात. अशाच एखाद्या महिलेला खोली देणे हे त्यांच्यासाठी अवघड होते. तसेच ज्या ठिकाणी ड्रायव्हर्स साधारणपणे राहतात आणि विश्रांती घेतात अशा ठिकाणी तिला प्रवेश करण्याची परवानगी नव्हती, असे सैनी यांनी सांगितले.

हेही वाचा >> मुकेश अंबानींच्या १५ हजार कोटींच्या अँटिलियापेक्षा मोठ्या निवासस्थानात राहते ‘ही’ महिला; तर नवरा आहे…

ते पुढे म्हणाले की अन्नपूर्णाणी यांना महिलांसाठी असलेल्या एलपीएआय मानदंडांचे पालन करून सीमा ओलांडण्यासाठी परवानगी देण्यात आली. “आम्ही बांगलादेश अधिकाऱ्यांना तिच्या ट्रकमधून कापूस उतरवण्याची त्वरित व्यवस्था करण्याची विनंती केली होती. बांगलादेशनेही तिला विशेष वागणूक दिली आणि जिथे ट्रक अनेकदा रांगेत उभे असतात, तिथे अन्नपूर्णाणी यांच्या ट्रकमधून कापूस उतरवण्याची त्वरित व्यवस्था करण्यात आली. दरम्यान, कमलेश सैन सांगतात की, “आम्ही आता महिलांसाठी सुविधा सुधारत आहोत, कारण आम्हाला लिंगभेद दूर करायचा आहे, जेणेकरून महिला या क्षेत्रात सामील होऊ शकतील. “