काबूलच्या मध्यवर्ती भागात तालिबानच्या आत्मघातकी बॉम्बरने रविवारी ‘नाटो’च्या ताफ्याला लक्ष्य बनवून केलेल्या स्फोटात तीन नागरिक जखमी झाले. पुन्हा डोके वर काढलेल्या दहशतवादी गटाने उत्तर अफगाणिस्तानातील एका महत्त्वाच्या शहरावर तात्पुरता ताबा मिळवल्यानंतर दोन आठवडय़ांनीच हा शक्तिशाली स्फोट घडून आला आहे. तालिबानने सरकार आणि विदेशी यांना लक्ष्य करून केलेल्या या स्फोटात एका मुलासह तीन नागरिक जखमी झाले.
