विको समूहाचे संचालक अशोक केशव पेंढरकर (वय ७२) यांचे शुक्रवारी येथे निधन झाले. त्यांच्या पश्चात पत्नी मधुमती, पुत्र अमित, कन्या रश्मी सहस्रभोजनी व मोठा आप्त परिवार आहे. गजाननराव पेंढरकर यांचे अशोक हे कनिष्ठ बंधू होत. गेल्या काही दिवसांपासून अशोक पेंढरकर किडनी विकाराने आजारी होते. परळ येथील रुग्णालयात उपचार सुरू असतानाच त्यांचे निधन झाले. भोईवाडा स्मशानभूमीत त्यांच्यावर अन्त्यसंस्कार करण्यात आले. विको लेबॉरेटरीज्चा डोंबिवली येथील कारखाना गेल्या अनेक वर्षांपासून ते सांभाळत होते.