मुत्थूट समूहातील प्रमुख कंपनी असलेल्या मुत्थूट फायनान्सला टीआरए रिसर्चतर्फे आयोजित करण्यात आलेल्या द ब्रॅण्ड ट्रस्ट रिपोर्ट, या २०१६ सालच्या सर्वेक्षणामध्ये भारतातील वित्तीय क्षेत्रातील सर्वात विश्वासार्ह आणि वैविध्यपूर्ण सेवा (इंडियाज् मोस्ट ट्रस्टेड फायनान्स- डायव्हर्सिफाइड ब्रॅण्ड) म्हणून मानांकन मिळाले आहे. कंपनीच्या ब्रॅण्डच्या परिणामकारकतेचा अभ्यास करून टीआरएतर्फे हे मूल्यांकन केले जाते. सुमारे २००० कंपन्यांच्या अभ्यासाअंती ही निवड केली गेली आहे.