ई-कॉमर्स व्यासपीठाबरोबरची भागीदारी विस्तारित करताना स्टेट बँकेने गुरुवारी स्नॅपडीबरोबरही करार केला. याबाबतच्या करारावर कोलकाता येथे बँकेच्या अध्यक्षा अरुंधती भट्टाचार्य व स्नॅपडिलचे मुख्य कार्यकारी अधिकारी कुणाल बहल यांनी स्वाक्षरी केली.
लघु व मध्यम उद्योजकांना त्यांची उत्पादने उपलब्ध करून देण्यासाठी तसेच कमी व्याजदरांमध्ये कर्ज उपलब्ध करून देण्यासाठी स्नॅपडीलबरोबरच स्टेट बँकेने पेपल या डिजिटल पेमेन्ट सुविधा देणाऱ्या कंपनीबरोबरही गुरुवारी करार केला. पेपलचे भारतातील व्यवस्थापक विक्रम नारायण हेही या वेळी उपस्थित होते.
स्टेट बँकेने बुधवारी मुंबईत अशाच प्रकारचा एक करार अॅमेझॉनबरोबर केला.