बाजारही खट्टू!

स्थिर व्याजदराचे पतधोरण जाहीर होण्यापूर्वीपासून नकारात्मक सुरुवात करणाऱ्या भांडवली बाजाराने अखेर त्याच्या ‘जैसे थे’ धोरणानंतरही नाराजी कायम ठेवली.

स्थिर व्याजदराचे पतधोरण जाहीर होण्यापूर्वीपासून नकारात्मक सुरुवात करणाऱ्या भांडवली बाजाराने अखेर त्याच्या ‘जैसे थे’ धोरणानंतरही नाराजी कायम ठेवली. मुंबई शेअर बाजार शतकी घसरणीसह यामुळे २८ हजारांवर येऊन ठेपला तर निफ्टीनेही ८,५०० नजीकचा प्रवास अनुभवला.
११५.१३ अंश घसरणीसह सेन्सेक्स २८,०७१.९३ वर राष्ट्रीय शेअर बाजाराचा निफ्टी २६.१५ अंश घसरणीसह ८,५१६.९० वर येऊन ठेपला. व्याजदराशी निगडित समभागांमध्ये संमिश्र मूल्य हालचाल नोंदली गेली.
रिझव्‍‌र्ह बँकेचे गव्हर्नर डॉ. रघुराम राजन यांनी व्याजदरात कोणताही बदल न केल्याने भांडवली बाजारातील मंगळवारच्या घसरणीच्या व्यवहारामार्फत गेल्या चार व्यवहारांतील तेजी थांबली. मात्र मुंबई शेअर बाजारातील बँक निर्देशांकासह स्मॉल व मिड कॅप निर्देशांकांनी तेजी नोंदविली. परकी विनियम चलन व्यासपीठावर डॉलरच्या तुलनेत भक्कम होऊ पाहत असलेल्या रुपयाचा हा परिणाम होता.
मुंबई शेअर बाजाराची गेल्या सलग चार व्यवहारांतील एकूण ७२७.८३ अंश राहिली होती. मंगळवारच्या सत्रा दरम्यान सातत्यातील घसरणीने सेन्सेक्स २८ हजारांनी खाली आला होता. त्याचा या वेळचा २७,८६६.१२ हा दिवसाचा तळ होता. तर व्यवहारात २८,२६४.७२ पर्यंतच तो मजल मारू शकला.
स्थिर व्याजदरामुळे निवडक बँक समभागांमध्ये मूल्य तेजी नोंदली गेली. एकूण बँक निर्देशांक +१०३.१२ अंश वाढीने : २१,८१४.८५ वर पोहोचला. तर व्याजदरात कपात न झाल्याने स्थावर मालमत्ता क्षेत्रातील अधिकांचे समभाग मूल्य रोडावले. वाहन क्षेत्रातील समभागांमध्ये संमिश्र हालचाल नोंदली गेली.
रिझव्‍‌र्ह बँकेच्या महागाई कमी होण्याच्या तसेच विकासाचा वेग वाढण्याच्या अंदाजानंतरही स्टेट बँक, आयसीआयसीआय बँक, एचडीएफसी बँक यांच्या मूल्यात घसरणच झाली. तर व्यवहारात ६४ च्या वर पोहोचलेल्या रुपयाचा परिणाम डॉलररूपात मोठा महसूल कमाविणाऱ्या टीसीएस, इन्फोसिस, विप्रो यांच्या समभागांवर दबाव निर्माण झाला. सेन्सेक्समधील ३० पैकी १८ समभागांमध्ये घसरण झाली.
क्षेत्रीय निर्देशांकांमध्ये ग्राहकोपयोगी वस्तू निर्देशांक सर्वाधिक ०.७७ टक्क्यांसह घसरला.

बँक समभाग मात्र तेजीत :
कॅनरा बँक    रु. ३०९.४० (+६.१०%)
बँक ऑफ बडोदा    रु. १९१.०५ (+३.४७%)
बँक ऑफ इंडिया    रु. १७२.७० (+३.३२%)
मालमत्ता क्षेत्राला फटका :
यूनिटेक     रु. ७.४८  (-२.०९%)
गोदरेज प्रॉपर्टीज    रु. २६१.४० (-१.६९%)
ओबेरॉय रिअ‍ॅल्टीज    रु. २५८.१५ (-०.९४%)
वाहन क्षेत्राचा संमिश्र कल :
एमआरएफ    रु. ४५६६८.७५ (+७.३५%)
मदरसन सुमी    रु. ३७४.०५    (+६.७६%)
हीरो मोटोकॉर्प     रु. २,६२४.२५  (-२.७३%)
(मंगळवार बंद भाव)

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sensex falls 115 points

ताज्या बातम्या