23rd May Panchang & Rashi Bhavishya: २३ मे २०२४ ला वैशाख शुक्ल पक्षातील पौर्णिमा आहे. गुरुवारच्या दिवशी पौर्णिमेला तिथी संध्याकाळी ७ वाजून २४ मिनिटांपर्यंत कायम असणार आहे. २३ मे ला दुपारी १२ वाजून १३ मिनिटांपर्यंत परीघ योग असणार आहे. तसेच गुरुवारी सकाळी ९ वाजून १७ मिनिटांपर्यंत विशाखा नक्षत्र असणार आहे त्यानंतर अनुराधा नक्षत्र जागृत होईल. २३ मे चे दिनविशेष म्हणजे आज बुद्ध पौर्णिमा व छिन्नमस्ता जयंती आहे. आजच्या दिवशी तुमच्या राशीच्या कुंडलीत काय लिहिलंय हे पाहूया.. २३ मे पंचांग व राशी भविष्य मेष:-परिस्थितीला नावे ठेऊ नका. आपल्या मानसिक अस्वास्थ्याचे कारण शोधा. एकाच गोष्टीवर अडकून राहू नका. आपल्या आवडत्या कामात मन गुंतवा. मित्रांशी मतभेद संभवतात. वृषभ:-व्यावहारिक बुद्धिमत्ता दाखवाल. तुमचा तर्क अचूक लागेल. आपले मत गोडीने समजावून सांगाल. कामाचा व्याप वाढेल. अती श्रमाचा ताण राहील. मिथुन:-हसतहसत कामे साधून घ्याल. तत्परतेने कामे पूर्ण करण्यावर भर द्यावा. खोट्या गोष्टींचा आधार घेणे टाळा. आपले विचार मोजक्या शब्दात मांडा. झोपेची तक्रार जाणवेल. कर्क:-जोडीदाराची उत्तम साथ राहील. मनातील सर्व इच्छा अपेक्षा पूर्ण होतील. घराबाहेर वावरतांना मौल्यवान वस्तु सांभाळाव्यात. फसवणुकीपासून सावध राहावे. जवळच्या ठिकाणाला भेट द्याल. सिंह:-कौटुंबिक वातावरण खेळीमेळीचे राहील. कामात हाताखालील सहकार्‍यांची मदत होईल. लहान मुलांत रमून जाल. नवीन मित्र जोडण्याचा प्रयत्न कराल. व्यापारी वर्गाला चांगला लाभ होईल. कन्या:-इतरांवर आपली उत्तम छाप पाडाल. तब्येतीत सुधारणा दिसून येईल. फक्त कामावरच लक्ष केन्द्रित करावे. मनाची चंचलता जाणवेल. वडीलधार्‍यांचा सल्ला विचारात घ्यावा. तूळ:-वादाच्या दोन्ही बाजू विचारात घ्याव्यात. एखाद्या इच्छेला मुरड घालावी लागू शकते. पत्नीचा निश्चय मान्य करावा लागेल. मानापमानाच्या प्रसंगातून जावे लागू शकते. क्षुल्लक कारणांवरून चिडू नये. वृश्चिक:-जोडीदाराच्या मताला मान्यता द्याल. तुमच्यातील आशावाद वाढीस लागेल. घरात प्रभुत्व गाजवण्याचा प्रयत्न कराल. कामात प्रगतीला वाव आहे. व्यवसायातून चांगला आर्थिक लाभ होईल. धनू:-कामे यथायोग्य पार पडतील. खर्चाचा योग्य आकडा निश्चित करावा. टीकेला सामोरे जावे लागू शकते. हट्ट सोडावा लागू शकतो. भावंडांच्या प्रकृतीकडे लक्ष द्या. मकर:-कामातील चिकाटी वाढवावी. उतावीळपणे कोणतेही निर्णय घेऊ नयेत. चुकून बोललेला शब्द लागू शकतो. स्वभावात काहीसा लहरीपणा येईल. इतरांना आनंदाने मदत कराल. कुंभ:-आपले उद्दीष्ट सध्या करण्याचा प्रयत्न करावा. खाण्यापिण्याची पथ्य पाळावीत. डोकेदुखीचा त्रास जाणवेल. स्वत:चेच म्हणणे खरे कराल. साहसी निर्णय विचारांती घ्यावेत. हे ही वाचा<< शनी खजिन्याचं कुलूप बुद्ध पौर्णिमेला उघडणार; ‘या’ ४ राशींना मिळणार मोठा वाटा, श्रीमंतीसह ‘हे’ लाभ करतील भरभराट मीन:-सामाजिक वादात अडकू नका. वडीलधार्‍यांची कौतुकाची थाप पाठीवर पडेल. निसर्ग सौंदर्याची ओढ वाढीस लागेल. इतरांच्या मदतीला धावून जाल. जोडीदाराचे प्रेमळ सौख्य लाभेल. - ज्योतिषी विद्याधर करंदीकर
