Horoscope Today In Marathi, 23 May 2025 : २३ मे ही वैशाख कृष्ण पक्षाची अपरा एकादशी आणि शुक्रवार आहे. ही अपरा एकादशी तिथी शुक्रवारी रात्री १० वाजून ३० मिनिटांपर्यंत राहील. आज प्रीती योग असून तो संध्याकाळी ६ वाजून ३६ मिनिटांपर्यंत असेल. तसेच उत्तरा भाद्रपद नक्षत्र शुक्रवारी संध्याकाळी ४ वाजून ३ मिनिटांपर्यंत जागृत असेल.
याशिवाय २३ मे रोजी अपरा एकादशीचे व्रत केले जाईल. पद्मपुराणानुसार, या दिवशी भगवान विष्णूच्या वामन रूपाची पूजा करण्याची परंपरा आहे. ही एकादशी अचला एकादशी, भद्रकाली एकादशी आणि जलक्रीडा एकादशी या नावांनीही प्रसिद्ध आहे. असे मानले जाते की, या दिवशी भगवान श्री हरीचे उपवास आणि पूजा केल्याने जीवनातील सर्व दुःख दूर होतात आणि पापांपासून मुक्तता मिळते. पण या अपरा एकादशीला कोणत्या राशींवर भगवान विष्णुची विशेष कृपादृष्टी होईल जाणून घेऊ….
२३ मे २०२५ पंचांग व राशिभविष्य ( Daily Horoscope in Marathi, 23 May 2025)
मेष राशिभविष्य (Aries Horoscope Today in Marathi)
परिस्थितीला नावे ठेऊ नका. आपल्या मानसिक अस्वास्थ्याचे कारण शोधा. एकाच गोष्टीवर अडकून राहू नका. आपल्या आवडत्या कामात मन गुंतवा. मित्रांशी मतभेद संभवतात.
वृषभ राशिभविष्य (Taurus Horoscope Today in Marathi)
व्यावहारिक बुद्धिमत्ता दाखवाल. तुमचा तर्क अचूक लागेल. आपले मत गोडीने समजावून सांगाल. कामाचा व्याप वाढेल. अती श्रमाचा ताण राहील.
मिथुन राशिभविष्य (Gemini Horoscope Today in Marathi)
हसतहसत कामे साधून घ्याल. तत्परतेने कामे पूर्ण करण्यावर भर द्यावा. खोट्या गोष्टींचा आधार घेणे टाळा. आपले विचार मोजक्या शब्दात मांडा. झोपेची तक्रार जाणवेल.
कर्क राशिभविष्य (Cancer Horoscope Today in Marathi)
जोडीदाराची उत्तम साथ राहील. मनातील सर्व इच्छा अपेक्षा पूर्ण होतील. घराबाहेर वावरतांना मौल्यवान वस्तु सांभाळाव्यात. फसवणुकीपासून सावध राहावे. जवळच्या ठिकाणाला भेट द्याल.
सिंह राशिभविष्य (Leo Horoscope Today in Marathi)
कौटुंबिक वातावरण खेळीमेळीचे राहील. कामात हाताखालील सहकार्‍यांची मदत होईल. लहान मुलांत रमून जाल. नवीन मित्र जोडण्याचा प्रयत्न कराल. व्यापारी वर्गाला चांगला लाभ होईल.
कन्या राशिभविष्य (Virgo Horoscope Today in Marathi)
इतरांवर आपली उत्तम छाप पाडाल. तब्येतीत सुधारणा दिसून येईल. फक्त कामावरच लक्ष केन्द्रित करावे. मनाची चंचलता जाणवेल. वडीलधार्‍यांचा सल्ला विचारात घ्यावा.
तूळ राशिभविष्य (Libra Horoscope Today in Marathi)
वादाच्या दोन्ही बाजू विचारात घ्याव्यात. एखाद्या इच्छेला मुरड घालावी लागू शकते. पत्नीचा निश्चय मान्य करावा लागेल. मानापमानाच्या प्रसंगातून जावे लागू शकते. क्षुल्लक कारणांवरून चिडू नये.
वृश्चिक राशिभविष्य (Scorpio Horoscope Today in Marathi)
जोडीदाराच्या मताला मान्यता द्याल. तुमच्यातील आशावाद वाढीस लागेल. घरात प्रभुत्व गाजवण्याचा प्रयत्न कराल. कामात प्रगतीला वाव आहे. व्यवसायातून चांगला आर्थिक लाभ होईल.
धनू राशिभविष्य (Sagittarius Horoscope Today in Marathi)
कामे यथायोग्य पार पडतील. खर्चाचा योग्य आकडा निश्चित करावा. टीकेला सामोरे जावे लागू शकते. हट्ट सोडावा लागू शकतो. भावंडांच्या प्रकृतीकडे लक्ष द्या.
मकर राशिभविष्य (Capricorn Horoscope Today in Marathi)
कामातील चिकाटी वाढवावी. उतावीळपणे कोणतेही निर्णय घेऊ नयेत. चुकून बोललेला शब्द लागू शकतो. स्वभावात काहीसा लहरीपणा येईल. इतरांना आनंदाने मदत कराल.
कुंभ राशिभविष्य (Aquarius Horoscope Today in Marathi)
आपले उद्दीष्ट सध्या करण्याचा प्रयत्न करावा. खाण्यापिण्याची पथ्य पाळावीत. डोकेदुखीचा त्रास जाणवेल. स्वत:चेच म्हणणे खरे कराल. साहसी निर्णय विचारांती घ्यावेत.
मीन राशिभविष्य (Pisces Horoscope Today in Marathi)
सामाजिक वादात अडकू नका. वडीलधार्‍यांची कौतुकाची थाप पाठीवर पडेल. निसर्ग सौंदर्याची ओढ वाढीस लागेल. इतरांच्या मदतीला धावून जाल. जोडीदाराचे प्रेमळ सौख्य लाभेल.
ज्योतिषी विद्याधर करंदीकर
