Astrological Predictions India 2024 : ‘आर्थिक झळ ते मानसिक समस्यांमध्ये वाढ’; शनीची वक्रदृष्टी? भारताचे पुढे काय होणार? वाचा ज्योतिषांची भविष्यवाणी

स्वातंत्र्य मिळविण्यासाठी भारत देशाला मोठा संघर्ष करावा लागला. स्वातंत्र्याआधी देशात मोठी आंदोलने झाली. भारताच्या स्वांतत्र्यापूर्वी आपले परराष्ट्र धोरण ब्रिटिश सरकारच्या मर्जीनुसार चालत होते. १५ ऑगस्ट १९४७ रोजी इंग्रजांचे आपल्यावरचे नियंत्रण अधिकृतपणे संपले. त्यानंतर आपण भारताची राज्यघटना लिहण्यास सुरुवात केली आणि नागरिकांना काही मूलभूत स्वातंत्र्ये देण्यात आली. स्वातंत्र्यप्राप्तीनंतर आपल्या परराष्ट्र धोरणांवर, स्वातंत्र्य चळवळीदरम्यानची परिस्थिती, आंतरराष्ट्रीय वातावरण, तसेच या काळात देशांतर्गत घडलेल्या घटनांनी आपले परराष्ट्र धोरण मोठ्या प्रमाणात प्रभावित झाले.

हेही वाचा…Maharashtra Assembly Seats : महाराष्ट्रात विधानसभेच्या किती जागा आहेत? जिल्ह्यानुसार सर्व जागांची यादी एका क्लिकवर वाचा

तर जेव्हा आपण देशाच्या कुंडलीचा अभ्यास करतो त्यावेळेस देशाबरोबरच पंतप्रधानांच्या पत्रिकेचाही विचार करावा लागतो. भारताची गुलामगिरीतून मुक्तता अभिजित या शुभमुहूर्तावर झाली होती. भारताच्या कुंडलीत वृषभ हे स्थिर लग्न असून वृषभ राशीचा स्वामी ग्रह शुक्र आहे. शुक्र हा ग्रह कलाकौशल्यासाठी फलदायक ठरतो म्हणूनच कला, सौंदर्य, सिनेमा भारतात श्रेष्ठ दर्जाचा मानला जातो. पण, पराक्रम स्थानातील शुक्र, रवी, शनी, बुध व चंद्र यांचा पंचग्रही योग फारसा शुभ मानला जात नाही. त्यामुळे बुध, चंद्र योगातून मानसिक आरोग्याच्या समस्या येणाऱ्या काळात वाढतील, अशी शक्यता दिसते आहे.

देशातील आर्थिक स्थिती वर- खाली झाल्याने सामान्यांना मोठी आर्थिक झळ बसेल. यात शनी ग्रहाचा मोठा खलनायिकी भाग असेल. थोडक्यात काय तर नामांकित अद्योगपतींचा त्यात मोठा सहभाग राहील. एकूण पाहता देशाचे भवितव्य राजकारणाच्या हाती असते, एकूण देशाच्या पत्रिकेतील शनीची गोचर शनी षष्ठात करीत आहे. त्यामुळे राजकारण्यांची मनमानी वाढेल, आर्थिक घोटाळ्यातील सहभाग उघडकीस येईल आणि भारतीय न्यायव्यवस्थेत त्यांना कठोर शिक्षा होईल, असे चित्र सध्या दिसते आहे.