सुकर्मा योगात ‘या’ राशींना होईल लाभच लाभ; बाप्पा धरणार कृपेचं छत्र; वाचा मेष ते मीनचे राशिभविष्य

दैनिक पंचांग व राशिभविष्य, २८ ऑक्टोबर २०२५ (Horoscope Today28 October 2025 In Marathi)

आजचे मेष राशिभविष्य (Aries Horoscope Today In Marathi)

तुम्ही आतुरतेने वाट पाहत असलेली गोष्ट समोर येऊन ठेपेल. भौतिक सुखाचा आनंद घ्याल. एखाद्या गोष्टीकडे पाहण्याचा दृष्टीकोन बदला. गरजूंना मदत कराल. आध्यात्मिक आवड वाढीस लागेल.

आजचे वृषभ राशिभविष्य (Taurus Horoscope Today In Marathi)

कौटुंबिक वादात पडू नका. कोणतेही वचन देताना सावध रहा. अनावश्यक खर्चावर नियंत्रण ठेवावे. बचतीकडे लक्ष द्यावे. नवीन योजनांवर लक्ष केन्द्रित करावे.

आजचे मिथुन राशिभविष्य (Gemini Horoscope Today In Marathi)

आपल्यातील कौशल्याचा पुरेपूर वापर करावा. निर्णय तुमच्या बाजूचा असेल. मुलांच्या काही बाबी गांभीर्याने घ्या. व्यवसईकांनी संधीचा लाभ घ्यावा. ज्येष्ठ बंधूंचा पाठिंबा मिळेल.

आजचे कर्क राशिभविष्य (Cancer Horoscope Today In Marathi)

आपल्या मर्जीप्रमाणे वागाल. दिवस कलासक्त असेल. वरिष्ठांना खुश कराल. मित्रांविषयि गैरसमज होऊ शकतात. काही अनपेक्षित बदल दिसून येतील.

आजचे सिंह राशिभविष्य (Leo Horoscope Today In Marathi)

मित्रांच्या मदतीने कामे पूर्ण होतील. अधिकाराची अंमलबाजावणी करावी. वैचारिक स्थिरता ठेवावी. पायाची दुखणी संभवतात. विद्यार्थांचे प्रश्न सुटतील.

आजचे कन्या राशिभविष्य (Virgo Horoscope Today In Marathi)

व्यवसायिकांना लाभदायक दिवस. मनातील इच्छा पूर्ण कराल. सर्व गोष्टीत आनंद वाटेल. बोलतांना सांभाळून शब्द वापरा. नातेवाईकांना नाराज करू नका.

आजचे तूळ राशिभविष्य (Libra Horoscope Today In Marathi)

आपल्याच मतावर अडून राहाल. इतरांच्या बाजूचा देखील विचार करावा. वागण्यातून अति स्पष्टता दर्शवू नका. कौटुंबिक बाबी देखील विचारात घ्याव्यात. कामाची धांदल राहील.

आजचे वृश्चिक राशिभविष्य (Scorpio Horoscope Today In Marathi)

आरोग्याकडे दुर्लक्ष करू नका. मैत्रित गैरसमज होण्याची शक्यता. डोकेदुखीचा त्रास संभवतो. पुढील गोष्टींचा अंदाज बांधावा. कौटुंबिक जबाबदारीत वाढ होईल.

आजचे धनू राशिभविष्य (Sagittarius Horoscope Today In Marathi)

जोडीदाराचा सल्ला अवश्य घ्यावा. संभ्रमित असताना निर्णय घेऊ नका. दिवस मध्यम फलदायी. वैचारिक स्थिरता ठेवावी. नियमांना तडा जाऊ देऊ नका.

आजचे मकर राशिभविष्य (Capricorn Horoscope Today In Marathi)

लहान आजरांकडे लक्ष ठेवा. चालढकल करू नका. जोडीदाराची उत्तम साथ लाभेल. जुन्या गोष्टी आठवत बसू नका. चारचौघात कौतुक होईल.

आजचे कुंभ राशिभविष्य (Aquarius Horoscope Today In Marathi)

भागीदारीत फार विसंबून राहू नका. बोलतांना आपले मत शांतपणे मांडा. नवीन उत्पादने घेऊ शकाल. नोकरीच्या संधी उपलब्ध होतील. सरकारी योजनांचा लाभ घ्या.

आजचे मीन राशिभविष्य (Pisces Horoscope Today In Marathi)

स्थावर संबंधी योजनांना चालना द्याल. अतिघाईत निर्णय घेऊ नका. आरामाची इच्छा पूर्णत्वास जाईल. व्यावसायिक विकास शक्य होईल.

ज्योतिषी विद्याधर करंदीकर