Ketu Mangal Yuti 2025 : जूनमध्ये खुलणार ‘या’ राशींचे भाग्य; केतू-मंगळाच्या युतीने मिळणार भरपूर पैसा अन् संपत्ती

द्रिक पंचांगानुसार, पापी ग्रह केतू १८ मे २०२५ रोजी दुपारी ४ वाजून ३० मिनिटांनी सिंह राशीत प्रवेश करील. त्याच वेळी ग्रहांचा सेनापती मंगळ ७ जून रोजी पहाटे २ वाजून २८ मिनिटांनी सिंह राशीत प्रवेश करील. अशा प्रकारे दोन्ही ग्रह सिंह राशीत एकत्र येतील, ज्यामुळे अंगारक योग निर्माण होईल. हा योग तीन राशींसाठी फलदायी असणार आहे.

मिथुन राशी

मिथुन राशीच्या लोकांसाठी, केतू-मंगळाची युती फायदेशीर ठरू शकते. तुमचा कल अध्यात्माकडे जास्त असू शकतो. त्यासह समाजात तुमचा आदर, सन्मान वेगाने वाढू शकतो. तुम्ही तुमचे ध्येय साध्य करण्यात यश मिळवू शकता. तुम्ही आत्मपरीक्षण कराल, ज्यामुळे तुम्ही स्वतःबद्दल अनेक नवीन गोष्टी जाणून घेऊ शकाल. तुम्हाला भौतिक सुखे मिळू शकतात.

सिंह राशी

सिंह राशीत मंगळ आणि केतूची युती होत असल्याने याच राशीच्या लोकांना उच्च शिक्षण मिळविण्यात यश मिळू शकते. तुम्ही धार्मिक कार्यक्रमांमध्ये सक्रियपणे सहभागी होऊ शकता. या काळात स्वतःबद्दल तुम्ही बऱ्याच काही गोष्टी जाणून घेऊ शकता. सरकारी नोकरीची तयारी करणाऱ्या लोकांना फायदा मिळू शकतो. तुम्ही धार्मिक कार्यात सहभागी होऊ शकता. जीवनात शांती येऊ शकते. पण, घाईघाईत कोणताही निर्णय घेऊ नका. त्यामुळे भविष्यात अनेक समस्या उद्भवू शकतात.

धनु राशी

धनू राशीच्या लोकांसाठी अंगारक योग खूप शुभ सिद्ध होऊ शकतो. या राशीचे लोक प्रत्येक क्षेत्रात अपार यश मिळवू शकतात. या राशीचे लोक अनेक धार्मिक कार्यांत सहभागी होऊ शकतात. तुम्ही लांब तीर्थयात्रेला जाऊ शकता. त्यासह तुमचे लक्ष साधना, ध्यान व प्राणायाम यांवर अधिक असेल. जीवनात आनंद येऊ शकतो. तुमच्या कामाच्या ठिकाणाहून तुमची बदली होऊ शकते किंवा तुम्हाला दुसऱ्या ठिकाणी नोकरीची ऑफर मिळू शकते. या काळात तुम्हाला कुटुंबातील सदस्यांकडून पूर्ण सहकार्य मिळू शकेल. मुलांच्या बाजूने अधिक परिणाम दिसून येतो.