Name Astrology: एखाद्या व्यक्तीचे नाव ही त्याची ओळख असते. ज्योतिषशास्त्रात व्यक्तीचे नाव कोणत्या अक्षराने सुरू होते यालाही महत्त्व देण्यात आले आहे. त्यानुसार त्या व्यक्तीचा स्वभाव, व्यक्तिमत्त्व, यश, प्रगती, धन-वैभव याचा अंदाज बांधला जाऊ शकतो. व्यक्तीच्या नावाच्या पहिल्या अक्षराच्या आधारे त्याच्या व्यक्तिमत्त्वाचे गुण आणि माणूस शोधला जाऊ शकतो. तर आज आम्ही तुम्हाला अशाच P या इंग्रजी अक्षरावरून नाव असलेल्या लोकांबद्दल सांगणार आहोत, जे आयुष्यात खूप पुढे जातात आणि त्यांना प्रत्येक क्षेत्रात नशिबाची साथ मिळते. तुमचेही नाव जर P या इंग्रजी अक्षरावरून सुरू होत असेल तर जाणून घ्या कशा असतात या व्यक्ती? या व्यक्तीचा स्वभाव कसा असतो?..
P अक्षरापासून सुरू असलेल्या नावाचे लोक कसे असतात?
भावनिकरित्या हळव्या मनाचे
ज्या लोकांची नावे इंग्रजीतील P अक्षराने सुरू होतात या व्यक्ती थोड्याशा हट्टी असतात. बऱ्याचदा आपल्या मनाला पटेल अशाच गोष्टी करतात असे मानले जाते. या लोकांना कोणतेही काम करायचे असेल तर ते मागे पाहत नाहीत, ते काम पूर्ण करण्यासाठी ते कोणतीच कसर सोडत नाहीत. या व्यक्ती दुसरे आपल्याबद्दल काय विचार करतात याबद्दल नेहमी सतर्क असतात. दुसऱ्यांसाठी काही ना काही करत असतात. नेहमी हसतमुख अशा या व्यक्ती असतात. यांच्यासाठी त्यांचे स्टेटस खूप महत्त्वाचे असते. तसेच ते भावनिकरित्या हळव्या मनाचे असतात.
वैवाहिक जीवन सुखद
ज्या लोकांची नावे इंग्रजीतील P अक्षराने सुरू होतात, त्यांचे वैवाहिक जीवन सुखद असते. या लोकांना गुड लुकिंग आणि स्मार्ट लाईफ पार्टनर हवा असतो, पण तसा जोडीदार त्यांना मिळत नाही; तर दुसरीकडे P अक्षराने नाव सुरू असणारे लोकं प्रेमाच्या बाबतीत खूपच विश्वासू मानले जातात, कारण या अक्षराच्या व्यक्ती रोमँटिक व खूप विश्वासू असतात. या लोकांना त्यांचे खरे प्रेम कधीच मिळत नाही, परंतु त्यांचे लग्न ज्या व्यक्तीशी होते, त्यांना ते खूप आनंदी व सुखी ठेवतात असे मानले जाते.
कठोर परिश्रम करणारे
ज्या लोकांची नावे इंग्रजीतील P अक्षराने सुरू होतात, जर आपण यांच्या करिअरबद्दल बोललो तर P नावाच्या लोकांचे जीवन करिअरबाबत चढ-उतारांनी भरलेले असते. हे लोक अनेकदा त्यांचे करिअर निवडण्यात चुका करतात, ज्यामुळे त्यांना अनेक समस्यांना सामोरे जावे लागते. परंतु, या लोकांना हे देखील माहीत असते की, त्यांच्या सर्व समस्या कठोर परिश्रमाने कशा सोडवायच्या. P नावाच्या लोकांना स्वतःचा व्यवसाय करायला आवडतो.
नव्या गोष्टी शिकण्याची आवड
हे लोक खर्च करण्यामध्येही कधीही कंजुसीपणा करत नाहीत. थोडक्यात, काहीशा खर्चिकच असतात. सतत काही ना काही महागडी वस्तू खरेदी करण्याची इच्छा असते आणि ते तशा वस्तू खरेदी करतातच. या लोकांना सतत काही ना काही नवनव्या गोष्टी शिकण्याची आवड असते आणि हे बुद्धिमानी असतात. या व्यक्तींमध्ये भरपूर आत्मविश्वास असतो. या आत्मविश्वासाच्या बळावरच त्या यश आणि प्रगती साध्य करतात. अशा व्यक्तींना अचानक भाग्यासह नशिबाची साथ मिळते आणि ते यशस्वी ठरतात असे मानले जाते.
(टीप : वरील सर्व माहिती उपलब्ध स्रोतावरून देण्यात आलेली आहे. त्याच्या तथ्यांबद्दल लोकसत्ता कोणताही दावा करीत नाही, तसेच अंधश्रद्धेला दुजोराही देत नाही.)
