Navpancham Rajyog on 9 August: रक्षाबंधन सण यावर्षी ९ ऑगस्टला साजरा केला जाणार आहे. या दिवशी अनेक शुभ योग तयार होणार आहेत. त्यातला एक महत्त्वाचा योग म्हणजे नवपंचम राजयोग, जो शनी आणि मंगळाच्या संयोगामुळे तयार होणार आहे.
ज्योतिषशास्त्रात शनीची स्थिती आणि त्यांची दृष्टी खूप महत्त्वाची मानली जाते, कारण शनी फारच हळूहळू हालचाल करणारा ग्रह आहे. त्यामुळे तो एका राशीत सुमारे अडीच वर्षं राहतो. जर कोणाच्या कुंडलीत शनीची महादशा, अंतर्दशा, साडेसाती किंवा ढय्या असेल, तर त्या व्यक्तीला काही त्रास आणि संकटं सहन करावी लागतात. पण जर कुंडलीत शनी चांगल्या स्थानात असेल, तर त्याचे शुभ परिणाम मिळतात आणि व्यक्तीचे दुःख दूर होऊन खूप संपत्तीही मिळते. शनी गरीबाला राजा बनवतो, असंही म्हणतात.
सध्या शनी मीन राशीत वक्री (मागे चालणाऱ्या) अवस्थेत आहे. त्यामुळे तो इतर ग्रहांशी संयोग करत राहील, आणि त्यामुळे शुभ-अशुभ योग बनत राहतील. आता ९ ऑगस्टला शनी आणि मंगळ एकत्र येऊन नवपंचम राजयोग तयार करणार आहेत, ज्याचा तीन राशींना मोठा फायदा होणार आहे. चला तर मग जाणून घेऊया त्या लकी राशी कोणत्या आहेत…
मेष राशी (Aries Horoscope)
या राशीच्या लोकांसाठी शनी, अरुण आणि मंगळाचा नवपंचम आणि प्रतियुती राजयोग खूपच शुभ ठरू शकतो. सध्या या राशीवर शनीचा साडेसातीचा पहिला टप्पा सुरू आहे. तसेच शनी वक्री असल्यामुळे या राशीवर होणारे वाईट परिणाम थोडे कमी होऊ शकतात.अशा वेळी या राशीच्या लोकांना अनेक क्षेत्रांमध्ये मोठं यश मिळू शकतं. दीर्घकाळापासून सुरू असलेल्या अडचणी हळूहळू कमी होण्यास सुरुवात होईल. उगाच होणारे खर्च कमी होतील.
नोकरी करणाऱ्या लोकांसाठी हा काळ फायदेशीर ठरू शकतो. आरोग्याच्या दृष्टीने ही वेळ चांगली आणि संतुलित राहील. घरातील वातावरणात सुधारणा होईल आणि जुने वाद मिटण्याची शक्यता आहे. परदेशाशी संबंधित कामं किंवा संधींमध्ये फायदा होऊ शकतो. एकूणच पाहता, जीवनातील नकारात्मकता कमी होईल आणि मनाला शांतता वाटेल.
वृश्चिक राशी (Scorpio Horoscope)
या राशीच्या लोकांसाठी मंगळ- अरुण यांचा नवपंचम योग आणि शनी-मंगळ यांचा प्रतियुती योग खूपच अनुकूल ठरू शकतो. सध्या या राशीवर शनीच्या साडेसातीचा दुसरा टप्पा सुरू आहे.
रक्षाबंधनाच्या काळात शनी वक्री अवस्थेत असतील, त्यामुळे त्याचे वाईट परिणाम थोडे कमी होण्याची शक्यता आहे. या काळात तुमचं परिश्रम वाया जाणार नाहीत. तुम्हाला तुमच्या कामाचा योग्य आणि चांगला फायदा मिळू शकतो.
व्यवसाय, संपत्ती, नोकरी, कुटुंब आणि मुलांच्या शिक्षणाशी संबंधित क्षेत्रांमध्ये फायदा होईल. जे निर्णय तुम्ही आजवर घेऊ शकले नाहीत, ते आता धैर्य आणि आत्मविश्वासाने घेऊ शकाल.
शनी लग्नभावाला बळकटी देतील, ज्यामुळे तुमच्या व्यक्तिमत्त्वात स्थिरता, आत्मबल आणि ताकद वाढेल. तसंच, सोशल मीडियावरून किंवा डिजिटल मार्गाने परदेशाशी संबंधित व्यवसायात यश मिळण्याची शक्यता आहे. हा काळ मीन राशीच्या लोकांसाठी समतोल, फायदा आणि मानसिक स्पष्टता घेऊन येईल.
मीन राशी (Pisces Horoscope)
या राशीच्या लोकांसाठी शनी-मंगळ आणि मंगळ-अरुण यांचा संयोग खूप फायदेशीर ठरू शकतो. या राशीच्या लोकांच्या दीर्घकाळापासून सुरू असलेल्या अडचणी दूर होऊ शकतात.
त्याचबरोबर जीवनात आनंदाचे क्षण येऊ शकतात. व्यवसायाच्या क्षेत्रातही चांगला फायदा होण्याची शक्यता आहे. भावंडांसोबत चांगले संबंध बनतील आणि एकत्र चांगला वेळ घालवता येईल. खूप दिवसांपासून थांबलेली कामं पुन्हा सुरू होऊ शकतात.
नवीन मित्र मिळू शकतात. नोकरी करणाऱ्यांनाही चांगला फायदा होण्याची शक्यता आहे. शनी आणि मंगळाच्या प्रभावामुळे मन शांत राहील आणि मानसिक तणाव कमी होईल.
