Conjunction Of Saturn And Venus: ज्योतिषशास्त्रानुसार शनीला कर्मफळदाता आणि न्यायदेवता म्हटले जाते. तर शुक्र ग्रहाला सुख, समृद्धी आणि प्रेमाचा कारक ग्रह म्हटले जाते. २९ मार्च रोजी शनीचा मीन राशीत प्रवेश झाल्यानंतर शुक, राहूदेखील या राशीत उपस्थित होते. यामुळे त्रिग्रही योग निर्माण झाला होता. दरम्यान, नुकतेच १८ मे रोजी राहूचे राशी परिवर्तन झाले असून मीन राशीत शुक्र-शनीची युती निर्माण झाली आहे. या दोन ग्रहांची ही युती काही राशींसाठी अत्यंत अनुकूल सिद्ध होईल.
‘या’ तीन राशींच्या व्यक्तींचे भाग्य चमकणार
वृषभ (Vrushabh Rashi)
वृषभ राशीच्या व्यक्तींना शनी-शुक्राची युती खूप सकारात्मक ठरेल. तुमच्या मनातील सर्व इच्छा पूर्ण होतील. या काळात तुम्ही नेहमी सकारात्मक राहाल. स्पर्धा परीक्षेत उत्तम यश मिळेल. वैवाहिक जीवन सुखमय राहील तसेच जे अविवाहित आहेत, त्यांचे लग्न ठरेल. मित्रांसोबत चांगला वेळ घालवाल आणि त्यांच्यासोबत पिकनिकचा प्लानदेखील कराल. कुटुंबात आनंदाचे वातावरण असेल. तुमची आर्थिक चणचण दूर होईल आणि उत्पन्नाचे नवे मार्ग मोकळे होतील. कुटुंबीयांसोबतचे संबंध अधिक घट्ट होतील.
मिथुन (Mithun Rashi)
शनी-शुक्राची युती मिथुन राशीच्या व्यक्तींसाठी खूप अनुकूल ठरेल. या काळात तुमच्या आयुष्यात आनंदी आनंद येईल. आयुष्यात मानसन्मान आणि कामाच्या ठिकाणी तुमचे वर्चस्व वाढेल. तुमच्या मनाप्रमाणे सर्व गोष्टी घडतील, त्यामुळे या काळात तुमच्या चेहऱ्यावर समाधान पाहायला मिळेल. परदेश जाण्याचे योग आहेत. उत्पन्नाचे नवे मार्ग सापडतील. जोडीदाराकडून आनंदी वार्ता मिळेल. कुटुंबाची आर्थिक परस्थिती अधिक मजबूत होईल. अडकलेली कामे पूर्ण होतील.
मीन (Meen Rashi)
शनी-शुक्राची युती मीन राशीच्या व्यक्तींसाठी भाग्यशाली सिद्ध होईल. या काळात उत्पन्नाचे नवे मार्ग मोकळे होतील. कुटुंबीयांसोबतचे संबंध अधिक घट्ट होतील. त्यांच्यासह दूरचे प्रवास घडतील. नोकरी करणाऱ्यांना कामात सकारात्मक बदल दिसून येतील. प्रेमसंबंध सुखमय होतील. या काळात तुमच्यात साहस निर्माण होईल. कामाच्या ठिकाणी कामाचे खूप कौतुक होईल. मान-सन्मान वाढेल. कुटुंबातील व्यक्तींसोबत फिरायला जाल.
(टीप: वरील लेख प्राप्त माहितीवर आधारित आहे.)
