Shukra Gochar In Taurus: ज्योतिषशास्त्रानुसार शुक्र ग्रहाला धन, संपत्ती, सौंदर्य, भौतिक सुख व आकर्षणाचा कारक ग्रह मानले जाते. ज्या व्यक्तींच्या कुंडलीत शुक्र मजबूत असतो. अशा व्यक्तींना आयुष्यात कधीही कुठलीच आर्थिक चणचण भासत नाही. त्याशिवाय अशा व्यक्तीचे प्रेमसंबंधदेखील उत्तम असतात. ज्योतिषशास्त्रानुसार प्रत्येक ग्रहाचे ठरावीक काळानंतर राशी परिवर्तन आणि नक्षत्र परिवर्तन होते.
पंचांगानुसार, ३० मे २०२५ रोजी शुक्राने वृषभ राशीत प्रवेश केला असून तो या राशीत २८ जूनपर्यंत राहील. हा काळ काही राशींसाठी अधिक फायदेशीर असेल.
‘या’ चार राशींवर शुक्राची कृपा
मेष (Mesh Rashi)
शुक्राच्या राशी परिवर्तनाचा शुभ प्रभाव मेष राशीच्या व्यक्तींच्या आयुष्यातदेखील पाहायला मिळेल. या काळात तुमची आर्थिक परिस्थिती उत्तम राहील. कर्ज फेडण्यास मदत होईल. वाहन, स्थावर मालमत्ता खरेदी करण्याची इच्छा पूर्ण होईल. कुटुंबीयांसोबतचे नाते अधिक घट्ट होईल. आरोग्य उत्तम राहील.
कन्या (Kanya Rashi)
शुक्राचे राशी परिवर्तन कन्या राशीच्या व्यक्तींना खूप सकारात्मक परिणाम देणारे ठरेल. या राशी परिवर्तनामुळे आकस्मिक धनलाभ होतील. तुमचा आत्मविश्वास वाढेल. आयुष्यात सुख-समृद्धी वाढेल. कुटुंबीयांसोबत प्रवास घडेल. नोकरीत पदोन्नती मिळण्याची दाट शक्यता आहे. आर्थिक परिस्थिती उत्तम राहील आणि कुटुंबात आनंदाचे वातावरण असेल.
कर्क (Kark Rashi)
शुक्राच्या राशी परिवर्तनाने कर्क राशीच्या व्यक्तींना आयुष्यात खूप नवे बदल दिसून येतील. त्यांची अनेक दिवसांपासून अडकलेली कामे पूर्ण होतील. आर्थिक चणचण दूर होईल आणि उत्पन्नाचे नवे मार्ग मोकळे होतील. कुटुंबीयांसोबतचे संबंध अधिक घट्ट होतील. नोकरी करणाऱ्यांच्या कामात सकारात्मक बदल दिसून येतील. प्रेमसंबंध सुखमय होतील.
सिंह (Singh Rashi)
शुक्राच्या राशी परिवर्तनाने सिंह राशीच्या व्यक्तींना अनुकूल परिणाम पाहायला मिळतील. या काळात कामामुळे दूरचे प्रवास करावे लागतील. कुटुंबातही आनंदी आनंद असेल. त्याशिवाय तुम्ही त्यांच्यासोबत पिकनिकचा प्लानदेखील कराल. नवीन गोष्टी शिकण्याची संधी मिळेल. वरिष्ठांची मदत मिळेल. विद्यार्थ्यांसाठीदेखील हा उत्तम काळ आहे. या काळात करिअरमध्ये यश मिळेल; तसेच पदोन्नतीही मिळेल.
(टीप : हा लेख मिळालेल्या माहितीवर आधारित आहे.)
