Surya Grahan 2024 : हिंदू धर्मात सूर्यग्रहणाला खूप महत्वपूर्ण मानले जाते. २०२४ मध्ये एकूण दोन सूर्यग्रहण होणार असून यातील पहिले सूर्यग्रहण ८ एप्रिल रोजी झाले. तसेच दुसरे सूर्यग्रहण ऑक्टोबर महिन्यात असून हे ग्रहण सर्वपित्री अमावस्येला असेल. हे ग्रहण कंकणाकृती सूर्यग्रहण असणार आहे ज्याला ‘रिेंग ऑफ फायर’ देखील म्हटले जाते. वर्षातील पहिले सूर्यग्रहण भारतात दिसले नव्हते. मात्र, दुसरे सूर्यग्रहण भारतात दिसणार की नाही? सूर्यग्रहणाचा सुतक कालावधी काय असेल, शिवाय हे इतर कोणत्या देशात दिसेल? हे आज आम्ही तुम्हाला सांगणार आहे.
दुसरे सूर्यग्रहण कधी असेल?
वर्षातील दुसरे सूर्यग्रहण सर्वपित्री अमावस्येला म्हणजेच भाद्रपद महिन्यातील अमावस्येला असणार आहे. या दिवशी सूर्यग्रहण रात्री ९ वाजून १३ मिनिटांनी सुरू होईल जे मध्यरात्री ३ वाजून १७ मिनिटांपर्यंत असेल. या ग्रहणाची वेळ जवळपास ६ तास ४ मिनिट असेल.
दुसरे सूर्यग्रहण भारतात दिसणार का?
वर्षातील दुसरे सूर्यग्रहण भारतात दिसणार नाही. कारण- ते रात्री लागणार आहे. तसेच पहिले सूर्यग्रहण देखील भारतात दिसले नव्हते.
२०२४ मधील दुसरे सूर्यग्रहण कुठे कुठे दिसणार?
हे ग्रहण दक्षिण अमेरिकेचे उत्तर भाग, पॅसिफिक महासागर, अटलांटिक, आर्क्टिक, चिली, पेरू, होनोलुलू, अंटार्क्टिका, अर्जेंटिना, उरुग्वे, फ्रेंच पॉलिनेशिया महासागर, उत्तर अमेरिकेचा दक्षिण भाग फिजी, न्यू चिली , ब्राझील, मेक्सिको आणि पेरू या ठिकाणी दिसेल. हे सूर्यग्रहण भारतात दिसणार नाही.
दुसरे सूर्यग्रहण कंकणाकृती असेल
वर्षातील दुसरे आणि शेवटचे सूर्यग्रहण कंकणाकृती ग्रहण असेल. जेव्हा हे घडते तेव्हा चंद्र पृथ्वी आणि सूर्य यांच्यामध्ये असतो, परंतु त्याचे अंतर पृथ्वीपासून दूर असते. चंद्र पृथ्वीपासूनच्या अंतरामुळे लहान दिसतो. या ग्रहणात सूर्य एका कंकणासारखा दिसतो, ज्याला रिंग ऑफ फायर असेही म्हणतात.
सूर्यग्रहणाचा सुतक कालावधी कधी असेल?
हिंदू धर्मग्रंथानुसार, सूर्यग्रहण सुरू होण्याच्या १२ तास आधी सुतक कालावधी सुरू होतो. पण वर्षातील दुसरे सूर्यग्रहण भारतात दिसणार नाही. त्यामुळे सुतक कालावधी वैध राहणार नाही.
(टीप: वरील लेख प्राप्त माहितीवर आधारित आहे.)
