दिवाळीची साफसफाई करताना ‘या’ ५ वस्तू सापडल्या तर लगेच घराबाहेर फेका; नाहीतर लक्ष्मीमाता दार ठोठावण्याऐवजी वळवेल पाठ! यादी पाहा…

घरात ‘या’ ५ वस्तू ठेवू नका

१. फुटलेला आरसा

वास्तुशास्त्रानुसार घरात फुटलेला आरसा ठेवणे अत्यंत अशुभ मानले जाते. आरशातील प्रतिबिंब म्हणजे सकारात्मक ऊर्जा आणि तोच आरसा फुटला तर ती ऊर्जा नष्ट होते. फुटलेला आरसा घरात ठेवला तर वाद, तणाव आणि अपयश वाढते. लक्ष्मीमातेचा आशीर्वाद दूर राहतो, त्यामुळे दिवाळीपूर्वी घरातील सर्व फुटलेले आरसे लगेच बाहेर फेकून द्या.

२. बंद घड्याळ

घरात बंद पडलेले घड्याळ म्हणजे थांबलेला काळ. वास्तुशास्त्र सांगते की, घरातील बंद घड्याळ जीवनातील प्रगती थांबवते. अशा घड्याळामुळे घरात स्थैर्याचा अभाव येतो, त्यामुळे दिवाळीपूर्वी सर्व बंद घड्याळे चालू करून घ्या किंवा न चालणारी बाहेर काढा. लक्ष्मीला वेळेचे महत्त्व कधीच विसरायला आवडत नाही.

३. जुने किंवा तुटके फर्निचर

घरातील तुटके-फुटके फर्निचर म्हणजे स्थिरतेचा अभाव. अशा वस्तूंनी घरात अडकलेली ऊर्जा तयार होते, जी नकारात्मकतेचं कारण बनते. लक्ष्मी जिथे नकारात्मक ऊर्जा असते तिथे कधीच वास करत नाही, म्हणूनच जुने, मोडकळीस आलेले फर्निचर दिवाळीपूर्वी घरातून काढून टाका.

४. खंडित मूर्ती

देव-देवतांच्या खंडित मूर्ती घरात ठेवणे अत्यंत अपशकुन मानले जाते. अशा मूर्तींमुळे देवतांचा आशीर्वाद कमी होतो आणि अडचणी वाढतात. लक्ष्मीमातेची कृपा मिळवायची असेल तर घरातील तुटलेल्या मूर्तींना नमस्कार करून मंदिरात विसर्जित करा.

५. तुटलेले किंवा गंजलेले लोखंडी सामान

घरात तुटलेले किंवा गंजलेले लोखंडी सामान ठेवणे म्हणजे शनी आणि राहूच्या नकारात्मक प्रभावाला आमंत्रण. अशा वस्तूंमुळे आर्थिक नुकसान, आरोग्याच्या समस्या आणि तणाव वाढू शकतो. दिवाळीपूर्वी अशा वस्तूंची सफाई करून सकारात्मक ऊर्जा आणा.

(टीप : वरील सर्व माहिती उपलब्ध स्रोतावरून देण्यात आलेली आहे. त्याच्या तथ्यांबद्दल लोकसत्ता कोणताही दावा करीत नाही, तसेच अंधश्रद्धेला दुजोराही देत नाही.)