छत्रपती संभाजीनगरमध्ये ५० हजार भटके श्वान; निर्बिजीकरणाचा प्रश्न

संकेतस्थळावर श्वानांची संख्या हवी ॲनिमल वेलफेअर बोर्ड ऑफ इंडियाच्या (एडब्ल्यूबीआय) संकेतस्थळावर महापालिकेने श्वानांची प्रभागनिहाय संख्या, नसबंदी कोणती संस्था करतेय, अशी काही माहिती नोंदवणे अपेक्षित असते. परंतु तशी माहिती दिसत नाही. नोंदणीकृत संस्थेकडूनच निर्बिजीकरण करून घेण्याशी संबंधित सर्वोच्च न्यायालयाचेही निर्देश आहेत. अपघाती मृत्यूू पावलेल्या प्राण्यांच्या अंत्यसंस्कारासाठी एक जागा मनपाने उपलब्ध करून देण्याची गरज आहे. औरंगाबाद पेट लव्हर्स असोसिएशन (आपला) ही संस्था भटक्या श्वानांसाठी काम करते. मनपासाठीही करू; पण प्रतिसादही मिळायला हवा. – बेरील सांचीज,

महानगरपालिका कार्यक्षेत्रात साधारणपणे ५० हजार संख्येच्या आसपास भटके श्वान आहेत. नसबंदीवर प्रतिश्वान तेराशे रुपये खर्च होतो. महिन्याकाठी ७०० च्या आसपास श्वानांची नसबंदी केली जाते. – डाॅ. शाहेद शेख, प्रभारी पशुसंवर्धन अधिकारी, मनपा

‘डब्ल्यूव्हीएस-होप’ या संस्थेमार्फत मनपाच्या कार्यक्षेत्रातील श्वानांवर उपचार व महिन्याला किमान ४०० श्वानांची नसबंदी केली जाते. नसबंदीसाठी प्रतिश्वान तेराशे रुपये घेतले जातात. – प्रवीण ओव्हळ, सचिव

श्वान निर्बिजीकरणासाठी भूल, औषधे, जखम भरून येण्यासाठी प्रतिजैविके, शस्त्रक्रियेच्या ठिकाणचे आतले-बाहेरचे टाके, निर्बिजीकरणाच्या संदर्भाने कानाला खूण करून गळ्यात बिल्ला अटकवणे आणि शस्त्रक्रिया करणाऱ्या सर्जनाचे शुल्क असा मिळून साधारणपणे प्रतिश्वान बाराशे ते तेराशे रुपये खर्च अपेक्षित असतो. – डाॅ. विजय लाड, ज्येष्ठ पशुतज्ज्ञ