Smart Driving Tips : हिवाळ्यात विंडशिल्डवरील धुके कसे काढाल? मग ही वाचा सोपी ट्रिक; प्रवास होईल सुरक्षित

गाडी हळू चालवा

कमी दृश्यमानता असलेल्या मार्गावर वाहन चालवताना, चालकांनी सावधगिरीने पुढे जाणे आवश्यक आहे. त्यामुळे वाहनचालकांनी ॲक्सिलेटर सांभाळत वेग यांवर नियंत्रण ठेवावे (Smart Driving Tips). हा दृष्टिकोन रस्त्यावरील संभाव्य धोक्यांचे मूल्यांकन करण्यासाठी आणि प्रतिसाद देण्यासाठी अधिक वेळ प्रदान करतो.

रोड मार्किंगला फॉलो करा

दाट धुक्यातून चालकांना मदत करण्यासाठी रस्ते अनेकदा पांढऱ्या किंवा पिवळ्या रेषांनी चिन्हांकित केले जातात. त्यामुळे मार्गिकेची योग्य स्थिती राखण्यास मदत मिळू शकते. नेव्हिगेशनसाठी दुसऱ्या वाहनाचे अनुसरण करणे सामान्यतः कमी प्रभावी ठरू शकते.

लो बीम वापरा

धुक्यातून वाहन चालवताना चालकांना हाय बीमचा वापर न करण्याचा सल्ला दिला जातो. कारण- धुक्यातील ओलाव्यामुळे आणि त्यात हेडलाइट्स हाय बीमवर ठेवल्याने दृश्यमानता आणखी बिघडते आणि डोळ्यांसमोर चमक निर्माण होते. त्याऐवजी दाट धुक्यातून दृश्यमानता वाढवण्यासाठी चालकांनी कमी बीम किंवा फॉग लाइट्सचा वापर करावा (Smart Driving Tips).

हेही वाचा…Kia Syros : थ्री इंजिन पर्याय, ॲडजस्टेबल व्हेंटिलेटेड सीट्स अन् बरेच काही; टोकन रक्कम भरून आजच बुक करा ‘ही’ एसयूव्ही

डीफॉगर वापरा

हिवाळ्यात विंडशिल्ड्सवर ओलावा निर्माण होऊ शकतो; ज्यामुळे चालकाच्या समोरचे दृश्य पाहण्यात अडथळा निर्माण होऊ शकतो. विंडशील्ड वायपर वापरल्याने विंडशील्ड्सवरील ओलावा साफ होण्यास मदत होते. डीफॉगर आतून कंडेन्सेशन काढून टाकू शकतो.

ओव्हरटेक करू नका

दुसऱ्या वाहनाला ओव्हरटेक करणे टाळा (Smart Driving Tips). तसेच आवश्यकतेनुसार तुमची आणि समोरची गाडी यांच्यात सुरक्षित अंतर राखा.

अचानक सिग्नल देऊ नका

तीक्ष्ण वळणे आणि अचानक थांबणे आदी गोष्टींपासून चालकांनी जागरूक राहिले पाहिजे. त्याचप्रमाणे इतर चालकांना तुमच्या गाडी चालविण्यासंबंधीच्या क्रियांची माहिती देण्यासाठी वळण घेण्यापूर्वी वळण सिग्नल सक्रिय करणे महत्त्वाचे आहे. तसेच, त्यांना योग्य प्रतिक्रिया देण्यासाठी वेळ द्या.

पादचाऱ्यांपासून अंतर राखा

लाईट्स आणि रिफ्लेक्टरमुळे समोरची वाहने पाहणे तुलनेने सोपे असले तरी दाट धुक्यात पादचारी किंवा सायकलस्वार दिसणे खूपच आव्हानात्मक असू शकते. त्यामुळे वाहनचालकांनी सतर्क राहून पादचाऱ्यांवरसुद्धा लक्ष ठेवावे.