Best Selling SUV: वाहन उत्पादक कंपन्यांनी फेब्रुवारी २०२३ मधील वाहनांच्या विक्रीचे आकडे जाहीर केले आहे. साधारणपणे देशात दर महिन्याला सर्वाधिक विकली जाणारी SUV ही Tata Nexon असते. परंतु, फेब्रुवारी २०२३ मध्ये असे घडले नाही. मारुती सुझुकी ब्रेझा ही टाटा नेक्सॉनला मागे टाकत फेब्रुवारीमध्ये सर्वाधिक विक्री होणारी एसयूव्ही ठरली. तथापि, जानेवारी २०२३ च्या सुरुवातीला, Tata Nexon ही सर्वाधिक विक्री होणारी SUV होती. आम्‍ही तुम्‍हाला फेब्रुवारी २०२३ च्या टॉप-५ सर्वाधिक विकल्या जाणार्‍या SUV बद्दल सांगत आहोत. चला तर पाहूया कोणत्या आहेत, या कार…
पाहा देशातल्या टाॅप Best Selling SUV
१. Maruti Brezza
फेब्रुवारी २०२३ मध्ये मारुती ब्रेझाची एसयूव्ही सेगमेंटमध्ये सर्वाधिक विक्री झाली. त्याचे १५,७८७ युनिट्स विकले गेले आहेत. वार्षिक आधारावर त्याच्या विक्रीत ७०.५६ टक्के वाढ झाली आहे. Brezza ची किंमत ८.१९ लाख ते १३.८८ लाख रुपये (एक्स-शोरूम) दरम्यान आहे. हे सनरूफ आणि ३६० डिग्री कॅमेरा सारख्या अनेक वैशिष्ट्यांसह येते.
२. Tata Nexon
Tata Nexon, जी जानेवारी २०२३ मध्ये सर्वाधिक विकली जाणारी SUV होती, तिचा फेब्रुवारी २०२३ मध्ये पराभव झाला. फेब्रुवारीमध्ये नेक्सॉन दुसऱ्या क्रमांकावर आली. तिचे १३,९१४ युनिट्स विकले गेले आहेत. त्याची विक्री १३.४० टक्क्यांनी (YoY) वाढली आहे.
३. Tata Punch
फेब्रुवारी २०२३ मध्ये टाटा पंच ही तिसरी सर्वाधिक विक्री होणारी SUV होती. पंचची एकूण ११,१६९ युनिट्सची विक्री झाली आहे. त्याची विक्री वार्षिक आधारावर १६.४४ टक्क्यांनी वाढली आहे.
४. Hyundai Creta
Hyundai Creta फेब्रुवारी २०२३ मध्ये चौथी सर्वाधिक विक्री होणारी SUV होती. त्याची १०,४२१ युनिट्स विकली गेली. त्याची विक्री वार्षिक आधारावर ८.४८ टक्क्यांनी वाढली आहे कारण फेब्रुवारी २०२२ मध्ये फक्त ९,६०६ युनिट्स विकल्या गेल्या होत्या.
५. Hyundai Venue
Hyundai Venue SUV सेगमेंटमध्ये पाचव्या क्रमांकावर आहे. फेब्रुवारी २०२३ मध्ये ९,९९७ युनिट्सची विक्री झाली. फेब्रुवारी २०२२ मध्ये १०,२१२ युनिट्सची विक्री झाल्यामुळे त्याची विक्री वार्षिक आधारावर २ टक्क्यांनी कमी झाली आहे.
