कॅप्टन कावेरी मंगळावर!

बेडुकराव काठावर ऐटीत बसतात
पाण्याच्या लाटांवर एक झोप काढतात
घोरण्याचा आवाज त्यांचा घुमतो कानी
पाण्यावर लाटांच्या छान छान गाणी ।।

इवलिशी चिमणी नाहायला येते
गवताच्या काडीवर टॉवेल टाकते
केसातून पडते तिच्या टप्टप् पाणी
पाण्यावर लाटांच्या छान छान गाणी ।।

झुकलेल्या फांदीवर खारुताई बसते
पाण्याच्या आरशात गंध-पावडर करते
दिवसभर करते ती वेणी आणि फणी
पाण्यावर लाटांच्या छान छान गाणी ।।

एक मुंगी धुणं घेऊन धुवायला आली
साबणाची वडी तिची पाण्यातच गेली
ऐकत नाही रडणे तिचे मुळुमुळु कोणी
पाण्यावर लाटांच्या छान छान गाणी ।।
 बालाजी मदन इंगळे