Ashish Deora Success Story : हार्वर्डच्या माजी विद्यार्थ्यानं रतन टाटांशी संबंधित कंपनी अवघ्या ९० कोटींना विकत घेतली, कोण आहेत आशिष देवरा?

आशिष देवरा सध्या ऑरम व्हेंचर्सचे सीईओ आहेत. त्यांना खाणकाम ते दूरसंचार क्षेत्रामध्ये अनेक दशकांचा अनुभव आहे. सूचीबद्ध फर्म Aurum Proptech Ltd ने Nestways चे अधिग्रहण केले आहे. ज्याची किंमत २०१९ मध्ये सुमारे १८०० कोटी होती. देवरा यांनी ते केवळ ९० कोटींना विकत घेतले आहे.

हेही वाचाः २०२३-२०३० दरम्यान भारताची अर्थव्यवस्था २०१० नंतरच्या सर्वात मजबूत वाढीच्या टप्प्यावर : नोमुरा सिक्युरिटीज

देवरा यांनी पहिली ऑप्टिकल फायबर कंपनी स्थापन केली

देवरा यांनी दूरसंचार, विमान वाहतूक, खाणकाम, रिअल इस्टेट आणि प्रॉपटेक यासह अनेक क्षेत्रांमध्ये व्यवसाय उभारले आहेत. १९९९ मध्ये आशिष यांनी IOL Telecom ची स्थापना केली. मुंबईत ऑप्टिकल फायबर विकसित आणि विकणारी पहिली कंपनी होती.

हेही वाचाः BYJU’S Aakash IPO : बायजू-आकाशचा आयपीओ पुढच्या वर्षी येणार; नव्या शेअरमध्ये गुंतवणुकीची संधी मिळणार

हार्वर्ड बिझनेस स्कूलमध्ये शिक्षण घेतले

आशिष देवरा यांनी हार्वर्ड बिझनेस स्कूलमधून शिक्षण घेतले आहे. त्यांनी २०१०-११ पर्यंत हार्वर्डमध्ये विलीनीकरण आणि अधिग्रहण, कॉर्पोरेट पुनर्रचनाचा अभ्यास केला. येथून त्यांनी ओपीएम म्हणजेच ओनर प्रेसिडेंट मॅनेजमेंट प्रोग्राम देखील पूर्ण केला आहे. तसेच त्यांनी कोलकाता येथील सेंट झेवियर्स कॉलेजमधून बी.कॉम केले आहे. त्यांचे शालेय शिक्षण ग्वाल्हेरच्या सिंधिया स्कूलमधून झाले.