इंडिगो अन् मुंबई विमानतळाला कारणे दाखवा नोटीस, विमान वाहतूक मंत्रालयाने आजच मागितले उत्तर; नेमकं प्रकरण काय?

खरं तर मुंबई विमानतळावरील डांबरी रस्त्यावर प्रवासी जेवत असतानाचा एक व्हिडीओ सोशल मीडियावर व्हायरल झाला. त्यानंतर केंद्रीय नागरी विमान वाहतूक मंत्री ज्योतिरादित्य सिंधिया यांनी काल मध्यरात्री मंत्रालयातील सर्व अधिकाऱ्यांची बैठक घेतली, त्यानंतर ही कारवाई करण्यात आली.

हेही वाचाः Artificial intelligence मुळे जगभरातील ४० टक्के नोकऱ्या धोक्यात, IMFचा इशारा

व्हायरल व्हिडीओमध्ये काय आहे?

सोशल मीडियावर व्हायरल होत असलेल्या व्हिडीओ आणि फोटोंमध्ये प्रवासी विमानतळाच्या धावपट्टीवर बसलेले दिसत आहेत. यावेळी सर्व प्रवासी धावपट्टीवर बसून अन्न खाताना पाहायला मिळाले. प्रत्यक्षात इंडिगोच्या गोवा-दिल्ली विमानाला १२ तास उशीर झाल्याने मुंबई विमानतळावरील प्रवाशांना धावपट्टीवर बसूनच जेवण करावे लागले.

हेही वाचाः पाकिस्तानातील महागाईने सर्वसामान्यांचे केले हाल; १२ अंडी ४०० रुपयांना, तर कांद्याची किंमत ऐकून डोळे पाणावतील

इंडिगोने माफी मागितली होती

इंडिगोने प्रवाशांना झालेल्या त्रासाबद्दल माफीही मागितली होती. एअरलाइन्सने सांगितले की, ‘आम्हाला १४ जानेवारी २०२४ रोजी गोवा ते दिल्ली येथे इंडिगो फ्लाइट ६ई२१९५ च्या घटनेची माहिती आहे. दिल्लीतील दृश्यमानता कमी असल्याने विमान मुंबईकडे वळवण्यात आले. आम्ही आमच्या ग्राहकांची मनापासून माफी मागतो आणि याकडे लक्ष दिलं आहे.