२०४७ पर्यंत भारताची अर्थव्यवस्था ३० अब्ज डॉलर्सची होणार, अर्थमंत्री निर्मला सीतारमन यांची घोषणा

शिखर परिषदेत बोलत असताना निर्मला सीतारमन म्हणाल्या की, भारताचा जीडीपी सध्या ३.४ अब्ज डॉलर्सच्या आसपास आहे. सध्या भारताची अर्थव्यवस्था ही जगातील पाचव्या क्रमाकांची मोठी अर्थव्यवस्था आहे. अमेरिका, चीन, जपान आणि जर्मनी यांच्यानंतर भारताचा क्रमांक लागतो. चालू आर्थिक वर्षात अर्थव्यवस्थेत ७.३ टक्क्यांची वाढ अपेक्षित आहे. मागच्या वर्षी ही वाढ ७.२ टक्के होती.

निर्मला सीतारमन पुढे म्हणाल्या, २०२३ पर्यंत मागच्या २३ वर्षात भारतात ९१९ अब्ज डॉलर्सची परकीय गुंतवणूक झालेली आहे. त्यापैकी यातील ६५ टक्के गुंतवणूक मागच्या आठ ते नऊ वर्षात म्हणजेच पंतप्रधान नरेंद्र मोदी यांच्या कार्यकाळात झालेली आहे.

तसेच बँक खाते असलेल्या भारतीयांची संख्या आता ५० कोटींवर पोहोचली आहे. २०१४ साली ही संख्या १५ कोटी होती, असेही त्या यावेळी म्हणाल्या.