क्रीडा प्रबोधिनी - Marathi News | Sports Academy - Latest Careervrutant Lekh News at Loksatta.com

८ ते १४ वर्षे वयोगटातील मुलांची शारीरिक क्षमता अजमावून प्रवेश दिला जातो.

महाराष्ट्रातून जास्तीत जास्त आंतरराष्ट्रीय व ऑलिम्पिक दर्जाचे खेळाडू घडवण्यासाठी राज्यातील प्रतिभावान खेळाडूंची निवड करून त्यांना शास्त्रोक्त प्रशिक्षण, संतुलित आहार व अद्ययावत क्रीडा सुविधा पुरवून त्यासाठी सुसंघटित प्रयत्न करण्याच्या दृष्टीने व क्रीडा संस्कृती रुजविण्याच्या हेतूने क्रीडा प्रबोधिनी योजना राबविण्यात येत आहे.

क्रीडा प्रबोधिनी प्रवेश प्रक्रिया नियमात सुधारणा करण्यासाठी शासनाने तज्ज्ञांची समिती गठित केलेली आहे. ८ ते १४ वर्षे वयोगटातील मुलांची शारीरिक क्षमता अजमावून प्रवेश दिला जातो.
राज्यात पुणे, कोल्हापूर, सांगली, ठाणे, अमरावती, अकोला, नाशिक, नागपूर, प्रवरानगर, औरंगाबाद व गडचिरोली अशा ११ ठिकाणी क्रीडा प्रबोधिनी कार्यरत आहेत.
ज्युदो, जिम्नॅस्टिक्स, हॉकी, शूटिंग, फुटबॉल, जलतरण, डायव्हिंग, अ‍ॅथलेटिक्स, कुस्ती, बॅडमिंटन, आर्चरी, हॅण्डबॉल, टेबल टेनिस, वेटलिफ्टिंग व बॉक्सिंग अशा १५ क्रीडाप्रकारांत मार्गदर्शन केले जाते.

पुरवण्यात येणाऱ्या सुविधा

प्रशिक्षणार्थीना विविध खेळांचे तज्ज्ञ क्रीडा मार्गदर्शकांकडून तंत्रशुद्ध प्रशिक्षण सकाळ व सायंकाळ अशा दोन सत्रांत दिले जाते.

प्रशिक्षणार्थी खेळाडूंना निवास, भोजन, शिक्षण, खेळ, गणवेश याबाबतचा संपूर्ण खर्च शासनामार्फत केला जातो.

First published on: 17-02-2017 at 00:34 IST

मराठीतील सर्व लेख बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sports academy