तरुणांसाठी खुशखबर! TATA कंपनीत नोकरीची संधी; पात्रता आणि अर्ज कसा करायचा? जाणून घ्या

Tata Technologies Recruitment 2024: आता टाटा टेक्नॉलॉजीने ऑटोमोटिव्ह लँडस्केप बदलण्यासाठी १०० हून अधिक क्लाउड आणि डेटा इंजिनियर्सची नियुक्ती करण्यासाठी भरती मोहीम सुरू केली आहे.

Tata Technologies Recruitment 2024 Vacancies Process Criteria in Marathi

टाटा टेक्नॉलॉजी भरती २०२४| टाटा टेक्नॉलॉजीजमध्ये १०० हून अधिक नोकऱ्या

Tata Technologies Recruitment Process Criteria: चांगल्या कंपनीत जास्त पगाराची नोकरी मिळावी, अशी सर्वांचीच इच्छा असते. त्यात अनेकांचे टाटासारख्या मोठ्या कंपनीत काम करण्याचे स्वप्न असते. आताच्या घडीला टाटा ग्रुप अनेकविध क्षेत्रात दमदार कामगिरी करताना पाहायला मिळत आहे. अशातच आता टाटा टेक्नॉलॉजीने ऑटोमोटिव्ह लँडस्केप बदलण्यासाठी १०० हून अधिक क्लाउड आणि डेटा इंजिनियर्सची नियुक्ती करण्यासाठी भरती मोहीम सुरू केली आहे. कंपनी भविष्यात सॉफ्टवेअर-परिभाषित वाहन सोल्यूशन्स नाविन्यपूर्ण करण्यासाठी टाटा टेक्नॉलॉजीमध्ये सामील होण्यासाठी इच्छूकांना संधी देणार आहे. संस्थेने प्रसिद्धीपत्रकात नमूद केले आहे की निवडलेल्या उमेदवारांना उत्साही वातावरणात काम करण्याची संधी मिळेल आणि सॉफ्टवेअर-परिभाषित वाहनांमध्ये काम करायला मिळेल.

कंपनी किमान पाच वर्षांचा अनुभव असलेले उमेदवार शोधत आहे.ओपन पोझिशन्समध्ये क्लाउड अभियंता, डेटा अभियंता आणि सोल्यूशन आर्किटेक्ट आणि अधिक पदांचा समावेश आहे जसे की:

वरिष्ठ क्लाउड अभियंता: ८-१० वर्षे
आर्किटेक्ट SME: ५-८ वर्षे
वरिष्ठ डेटा अभियंता: ६-८ वर्षे
असोसिएट डेटा अभियंता: ६-८ वर्षे
एसएपी डीआरसी सल्लागार: ८-१० वर्षे
तांत्रिक हेड: १०-१२ वर्षे
सॉफ्टवेअर डेव्हलपर: ५-८ वर्षे
वरिष्ठ सॉफ्टवेअर डेव्हलपर (Azure Cloud Infra): ७-१० वर्षे
Microsoft Dynamics CRM लीड डेव्हलपर: ८-१० वर्षे
वरिष्ठ सल्लागार: ७-१० वर्षे
तांत्रिक प्रकल्प व्यवस्थापक: १२-१५ वर्षे
Java फुल स्टॅक लीड डेव्हलपर: ८-१० वर्षे

हेही वाचा >> स्टेट बँक ऑफ इंडियामध्ये बंपर भरती; १३ हजार ७३५ रिक्त जागा; सरकारी नोकरी मिळवण्याची संधी, कसा करायचा अर्ज जाणून घ्या

ही पदे क्लाउड अभियांत्रिकी, डेटा अभियांत्रिकी, सॉफ्टवेअर डेव्हलपमेंट आणि प्रोजेक्ट मॅनेजमेंट यासह विविध स्पेशलायझेशन आहेत. प्रत्येकाला विशिष्ट श्रेणीचा व्यावसायिक अनुभव आवश्यक आहे. इच्छुक उमेदवार टाटा टेक्नॉलॉजीजच्या करिअर पोर्टलद्वारे अर्ज करू शकतात. ही पदे पुणे, चेन्नई आणि बेंगळुरू येथे उपलब्ध आहेत.

उमेदवारांनी अर्ज करण्यासाठी अधिकृत वेबसाइट tatatechnologies.com/in/hiring-drive ला भेट द्यावी.

मराठीतील सर्व करिअर बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Tata technologies recruitment 2024 tata technologies starts recruitment drive to fill over 100 vacancies srk