येथून ४० किलोमीटर अंतरावरील शेखुपुरा या पंजाब प्रांतातील शहराजवळ लेव्हल क्रॉसिंगवर शनिवारी एका मोटरसायकल रिक्षास रेल्वेगाडीने धडक दिल्यामुळे झालेल्या अपघातात एक महिला आणि दोन मुलांसह १३ जण ठार झाले आहेत. सदर रिक्षा रेल्वेमार्ग ओलांडत असताना कराचीहून लाहोरकडे जाणाऱ्या गाडीने त्यास धडक दिली. त्यावेळी रिक्षामधील १० जण जागीच ठार झाले, तर उर्वरित तिघे जण जवळच्या रुग्णालयात उपचार सुरू असताना मरण पावले.रिक्षाचालक बेदरकारपणे रिक्षा चालवीत होता. सदर रिक्षा रेल्वेमार्गात अडकून पडली आणि त्याचवेळी तेथे आलेल्या रेल्वेगाडीने या रिक्षाला जोरदार धडक दिली.
