News Flash

संसदेत कामकाज न झालेल्या दिवसांचं वेतन आणि भत्ते न घेण्याचा भाजपा-एनडीए खासदारांचा निर्णय

'हा पैसा घेण्याचा आम्हाला अधिकार नाही'

भाजपा आणि एनडीएचे खासदार संसदेत कामकाज न झालेल्या २३ दिवसांचं वेतन आणि भत्ते परत करणार आहे. या २३ दिवसांमध्ये संसदेचं कामकाज अजिबात न झाल्यानेच हा निर्णय घेण्यात आला असल्याची माहिती केंद्रीय संसदीय कामकाज मंत्री अनंतकुमार यांनी दिली आहे. पत्रकार परिषदेत बोलताना त्या संपूर्ण दिवसांसाठी मिळणारं वेतन आणि भत्ते भाजपा-एनडीएचे खासदार परत करतील अशी माहिती त्यांनी दिली. २९ जानेवारीला अर्थसंकल्पीय अधिवेशनाला सुरुवात झाली असून अधिवेशन संपत आलं आहे. मात्र या अधिवेशनात अनेक मुद्द्यांवर सभागृह ठप्प झाल्याने काम सुरळीत होऊ शकलेलं नाही.

अनंतकुमार यांनी पत्रकार परिषदेत बोलताना सांगितलं की, ‘भाजपा-एनडीएच्या खासदारांनी संसदेत कामकाज न झालेल्या २३ दिवसांचे भत्ते आणि वेतन परत करण्याचा निर्णय घेतला आहे. हा पैसा लोकांची सेवा करण्यासाठी मिळत असून जर आम्ही ते करण्यात असक्षम असू तर हा पैसा घेण्याचा आम्हाला अधिकार नाही’.

यावेळी त्यांनी काँग्रेसच्या राजकारणामुळे राज्यसभा आणि लोकसभेचं कामकाज होऊ शकले नसल्याचा आरोप केला. आम्ही सर्व मुद्यांवर चर्चा करण्यास तयार आहोत मात्र ते कामकाज होऊ देत नाहीयेत असं त्यांनी म्हटलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 4, 2018 10:34 pm

Web Title: bjp nda to return salary of 23 days as the parliament has not been functional
Next Stories
1 जम्मू काश्मीर – दगडफेकीमुळे ताबा सुटलेल्या ट्रकने दोन CRPF जवानांना चिरडलं
2 उगाच बाहेरच्यांनी येऊन आम्हाला शिकवू नये, आफ्रिदीच्या वक्तव्यावर सचिनचा संताप
3 खाकी वर्दीतलं प्रेम ! पोलीस अधिका-याचं महिला कॉन्स्टेबलसोबत जुळलं सूत
Just Now!
X