बॉलिवूडमधील अतिशय लोकप्रिय कास्टिंग डिरेक्टर सहर अली लतीफ यांचे निधन झाले आहे. सोमवारी त्यांनी अखेरचा श्वास घेतला. दोन्ही किडनी फेल झाल्यामुळे त्यांना लीलावती रुग्णालयात दाखल करण्यात आले होते. उपचारादरम्यान सहर यांचे कार्डिअ‍ॅक अरेस्टमुळे निधन झाले. या बातमीनंतर बॉलिवूड चित्रपटसृष्टीमध्ये हळहळ व्यक्त केली जात आहे.

सहर यांच्या निधनानंतर राजकुमार राव, हुमा कुरेशी, अनुराग कश्यप, शिबानी दांडेकर, रोहित सराफ, मिताली पालकर, निमरत कौर, हर्षवर्धन कपूर, सान्या मल्होत्रा, नोरा फतेही, मसाबा गुप्ता, मानवी गागरू, मुकेश छाबड़ा आणि इतक कलाकारांनी सोशल मीडिया पोस्टद्वारे श्रद्धांजली वाहिली आहे.

seher aly latif passes away, seher aly latif death bollywood, Seher Aly Latif, casting director seher aly latif,

सहर यांनी आजवर अनेक चित्रपट आणि वेब सीरिजसाठी कास्टिंग डिरेक्टरचे काम केले आहे. ‘द बेस्ट एग्जॉटिक मैरीगोल्ड होटल’, ‘मिलियन डॉलर आर्म’, ‘शकुंतला देवी’, ‘दुर्गामती: द मिथ’, ‘मॉनसून शूटआउट’ आणि ‘द लंचबॉक्स’ या चित्रपटांसाठी त्यांनी काम केले. तसेच काही वेब सीरिजसाठी देखील काम केले आहे.