News Flash

Hyderabad Election Result : टीआरएस, भाजपामध्ये ‘काँटे की टक्कर’

सध्या मतमोजणी सुरू

(संग्रहित छायाचित्र)

हैदराबादची महापालिका निवडणूक ही भाजपानं राष्ट्रीय निवडणूक बनवलेली होती. तेजस्वी सूर्या, स्मृती इराणी या आक्रमक नेत्यांचा तसंच प्रकाश जावडेकर, देवेंद्र फडणवीस यांनीदेखील हैदराबादचा दौरा केला होता. त्यानंतर योगी आदित्यनाथ, जे. पी. नड्डांचा, अमित शाह यांनीदेखील हैदराबादमध्ये प्रचार केला होता. भाजपाने एकापाठोपाठ एक नेत्यांची रांग पालिका प्रचारासाठी उभी करत ही निवडणूक अतिशय प्रतिष्ठेची बनवली होती. दरम्यान, या निवडणुकांच्या निकालाचे कल हाती येत असून सध्या टीआरएसनं भाजपाला पिछाडीवर टाकत ६५ जागांवर आघाडी घेतल्याचं दिसत आहे.

सध्या हैदराबाद महानगरपालिकेच्या १३० जागांसाठी मतमोजणी सुरू आहे. सुरूवातीच्या कलांमध्ये भाजपानं सध्या ८७ जागांवर आघाडी घेतली होती. परंतु आता भाजपा पिछाडीवर असून टीआरएसनं ६५ जागांवर आघाडी घेतली आहे. दरम्यान, भाजपा सध्या ४१ जागांवर तर असुद्दीन ओवेसी यांच्या एमआयएम ३२ जागांवर आघाडीवर आहे. भाजपानं ही निवडणूक प्रतिष्ठेची केली होती. तसंच अनेक दिग्गजांनी या ठिकाणी दौराही केला होता.

यापूर्वी २०१६ मध्ये पार पडलेल्या निवडणुकांमध्ये भाजपा युतीला केवळ ५ जागांवर विजय मिळाला होता. यापूर्वी सर्वच पक्षांनी या निवडणुकीत स्वत:ला झोकून दिल्याचं दिसलं होतं. दरम्यान, हाती आलेल्या कलांनंतर भाजपा नेते किरीट सोमय्या यांनी ट्वीट करत हैदराबादमध्ये आपला विजय आहे, पुढची वेळ मुंबई महानगपालिकेची आहे, असं म्हटलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 4, 2020 1:37 pm

Web Title: hyderabad election result live updates trs bhp min pm narendra modi amit shah asaduddin owaisi jud 87
Next Stories
1 करोना लस कधी आणि सर्वात आधी कोणाला मिळणार?; पंतप्रधान मोदींनीच दिलं उत्तर
2 हैदराबाद महानगरपालिका निवडणुकांमध्ये भाजपाची मुसंडी; एमआयएम तिसऱ्या क्रमांकावर
3 “थोडीही लाज वाटत असेल तर माफी माग”, दिलजीत दोसांजनंतर मिका सिंग कंगनावर संतापला
Just Now!
X