News Flash

आश्रय देण्याची स्नोडेनची मागणी भारताने फेटाळली

अमेरिकेच्या राष्ट्रीय सुरक्षा संस्थेचे बिंग फोडणारा एडवर्ड स्नोडेन याने आश्रय देण्याची भारताकडे केलेली मागणी केंद्र सरकारने फेटाळली.

| July 2, 2013 11:42 am

अमेरिकेच्या राष्ट्रीय सुरक्षा संस्थेचे बिंग फोडणारा एडवर्ड स्नोडेन याने आश्रय देण्याची भारताकडे केलेली मागणी केंद्र सरकारने फेटाळली. परराष्ट्र व्यवहार मंत्रालयाने स्नोडेनने केलेली मागणी मंगळवारी दुपारी फेटाळली.
भारतासह एकूण २० देशांकडे आश्रय देण्याची मागणी स्नोडेनने केली. स्नोडेनने हाँगकाँगहून पोबारा केल्यानंतर तो रशियात आला. तेथून तो हवानामार्गे इक्वेडोरला जाणे अपेक्षित असताना तो गेलाच नाही. गेले चार दिवस तो मॉस्को विमानतळाजवळच वास्तव्यास आहे.
विकीलीक्सचे कायदा सल्लागार सराह हॅरिसन यांनी स्नोडेनसाठी वेगवेगळ्या देशांमध्ये अर्ज करून त्याला आश्रय देण्याची मागणी केलीये. सुरुवातीला इक्वेडोर आणि त्यानंतर आईसलॅंडकडे आश्रय देण्याची मागणी करण्यात आली होती. सराह हॅरिसन यांनी स्नोडेनला आश्रय देण्यासाठी वेगवेगळ्या देशांकडे विनंती अर्ज पाठविल्याचे विकीलीक्सने प्रसिद्ध केलेल्या निवेदनात म्हटले आहे.
स्नोडेनवर अमेरिकी सरकार कारवाई करण्याच्या तयारीत असल्याने त्याला आश्रय देण्यात यावा, अशी मागणी अर्जामध्ये करण्यात आली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 2, 2013 11:42 am

Web Title: india turns down snowdens asylum request
टॅग : Edward Snowden
Next Stories
1 भारताच्या परराष्ट्र सचिवपदी सुजाता सिंह
2 टू जी घोटाळा: राडियांच्या सीडी कोर्टापुढे ठेवण्याला राजा यांचा विरोध
3 पाकिस्तानला ११ अब्ज डॉलरचे कर्ज मिळण्याचा मार्ग मोकळा
Just Now!
X