News Flash

जम्मू-काश्मीर: बडगाममध्ये दोन दहशतवाद्यांचा खात्मा

शोध मोहिमेवेळी दहशतवाद्यांनी जवानांवर गोळीबार केला. सुरक्षादलांनीही त्यांना चोख प्रत्युत्तर दिले.

जम्मू-काश्मीरमधील बडगाम येथे सुरक्षादलाने गुरुवारी सकाळी दोन दहशतवाद्यांना यमसदनी धाडले. (छायाचित्र: एएनआय)

जम्मू-काश्मीरमधील बडगाम येथे सुरक्षादलाने गुरुवारी सकाळी दोन दहशतवाद्यांना यमसदनी धाडले. सुरक्षादलाला या परिसरात काही अतिरेकी आल्याची माहिती मिळाली होती. त्यानंतर स्थानिक पोलिसांच्या मदतीने शोध मोहीम राबवण्यात आली. शोध मोहिमेवेळी दहशतवाद्यांनी जवानांवर गोळीबार केला. सुरक्षादलांनीही त्यांना चोख प्रत्युत्तर दिले. या कारवाईत सुरक्षादलाला दोन दहशतवाद्यांचा खात्मा करण्यात यश आले. दरम्यान, दहशतवाद्यांच्या खात्म्यानंतर स्थानिकांनी सुरक्षादल आणि माध्यम प्रतिनिधींवर दगडफेक केली. यामध्ये ‘एएनआय’ या वृत्तसंस्थेच्या वाहनाचे मोठे नुकसान झाले आहे.

गेल्या काही दिवसांपासून बडगाम आणि परिसरात दहशतवाद्यांच्या हालचाली वाढल्या आहेत. त्यामुळे या परिसरात सुरक्षादलाकडून सातत्याने शोध मोहीम राबवण्यात येते. दक्षिण काश्मीरमधील त्राल येथे मंगळवारी झालेल्या भीषण चकमकीत सुरक्षादलांनी दहशतवादी संघटना जैश-ए-मोहम्मदचा प्रमुख मौलाना मसूद अजहरचा भाचा उस्मान हैदरसह दोन दहशतवाद्यांना कंठस्नान घातले होते.

अधिकाऱ्यांनी दिलेल्या माहितीनुसार, चकमक स्थळावरुन एम-४ कार्बाइन जप्त करण्यात आली. उस्मानशिवाय दुसऱ्या दहशतवाद्याचे नाव शौकत अहमद खान असल्याचे सांगण्यात येते.

दरम्यान, सोपोरमध्ये दहशतवाद्यांबरोबर झालेल्या चकमकीत सुरक्षादलाने मागील आठवड्यात शुक्रवारी दोन दहशतवाद्यांचा खात्मा केला होता. त्यापूर्वी काश्मीर खोऱ्यात दोन वेगवेगळ्या ठिकाणी झालेल्या चकमकीत ६ दहशतवादी मारले गेले होते. याचदरम्यान नौगाम येथे शुक्रवारी रात्री उशिरात दहशतवाद्यांनी सीआयएसएफच्या एका जवानावर ग्रेनेडने हल्ला केला होता. या हल्ल्यात एएसआय राजेशकुमार शहीद झाले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 1, 2018 9:54 am

Web Title: jammu and kashmir 2 terrorists have been killed in the encounter which broke out at budgam
Next Stories
1 मॉर्निंग बुलेटिन : पाच महत्त्वाच्या बातम्या
2 दिवाळीत सामान्यांचं ‘दिवाळं’! गॅस सिलिंडर महागले
3 आधी सीबीआयला आपले घर ठीक करु द्या: सुप्रीम कोर्ट
Just Now!
X