एक देश, एक निवडणुकीच्या संकल्पनेला बहुतांश पक्षाच्या प्रमुखांनी पाठिंबा दिला आहे. सीपीआयचे वेगळे मत आहे पण त्यांनी विरोध केलेला नाही असे संरक्षण मंत्री राजनाथ सिंह यांनी पंतप्रधान मोदींनी बोलवलेली सर्वपक्षीय बैठक संपल्यानंतर सांगितले. एक देश, एक निवडणुकीसंदर्भात सल्ला देण्यासाठी एक समिती स्थापन करण्यात येईल असे मोदी म्हणाले. Defence Minister Rajnath Singh: Prime Minister Narendra Modi, in his address, said that a committee will be constituted to give its suggestions on the subject (One Nation, One Election) in a time bound manner. https://t.co/c3tvK8lg3D— ANI (@ANI) June 19, 2019 लोकसभा आणि विधानसभेच्या निवडणुका एकत्र घेण्यासंदर्भात पंतप्रधान नरेंद्र मोदींनी बुधवारी विविध पक्षीय नेत्यांशी चर्चा केली. काही विरोधी पक्षांनी या बैठकीकडे पाठ फिरवली. लोकसभा किंवा राज्यसभेत किमान एक खासदार असलेल्या पक्षाच्या प्रमुखांना मोदींनी एकत्रित निवडणुकीसह विविध विषयांवर चर्चा करण्यासाठी या बैठकीला बोलावले होते. Defence Minister Rajnath Singh after conclusion of the meeting of Presidents of all parties called by PM Modi: Most parties gave their support to One Nation, One Election, CPI(M) & CPI had a difference of opinion but they didn't oppose the idea, just the implementation of it. pic.twitter.com/Y67a7NQ17V— ANI (@ANI) June 19, 2019 एक देश, एक निवडणूक, २०२२ मध्ये स्वातंत्र्याची ७५ वर्ष आणि महात्मा गांधींचे हे १५० वे जयंती वर्ष आहे त्यासंबंधी चर्चा करण्यासाठी मोदींनी बैठक बोलावली होती. संसदेच्या ग्रंथालय इमारतीत झालेल्या बैठकीला राष्ट्रवादी काँग्रेसचे अध्यक्ष शरद पवार, सीपीएमचे सीताराम येचुरी, सीपीआयचे डी. राजा, बिहारचे मुख्यमंत्री नितीश कुमार, शिरोमणी अकाली दलचे सुखबीर सिंग बादल, ओदिशाचे मुख्यमंत्री नवीन पटनायक उपस्थित होते. पीडीपीच्या मेहबुबा मुफ्ती नॅशनल कॉन्फरन्सचे फारुख अब्दुल्लाही या बैठकीला उपस्थित होते. Delhi: Inside visuals of the meeting of heads of political parties in Parliament, under chairmanship of PM Narendra Modi. JDU's Nitish Kumar, NC's Farooq Abdullah, SAD's Sukhbir Singh Badal, BJD's Naveen Patnaik, PDP's Mehbooba Mufti, YSRCP's Jagan Mohan Reddy & others present. pic.twitter.com/KYgEHRjAtv — ANI (@ANI) June 19, 2019 काँग्रेसचे अध्यक्ष राहुल गांधी, पश्चिम बंगालच्या मुख्यमंत्री ममता बॅनर्जी, अखिलेश यादव, मायावती, डीएमकेचे एमके स्टालिन, टीडीपीचे प्रमुख के. चंद्रशेखर राव, शिवसेना प्रमुख उद्धव ठाकरे आणि दिल्लीचे मुख्यमंत्री अरविंद केजरीवाल यांनी या बैठकीकडे पाठ फिरवली. मतदान यंत्राबद्दल बैठक असती तर मी सर्वपक्षीय बैठकीला हजर राहिले असते असे टि्वट मायावती यांनी केले होते.